ລະດູໜາວເຂົ້າມາແລ້ວ ບາງຄົນກໍ່ຮູ້ສຶກວ່າ ຜິວເລີ່ມແຫ້ງກວ່າເກົ່າແລ້ວແມ່ນບໍ່ ເຖິງເວລາຕ້ອງຫັນມາໃສ່ໃຈຜິວ ແລະ ປ່ຽນວິທີການເບິ່ງແຍງຜິວແບບເກົ່າໆ ໃນລະດູໜາວເພາະອາກາດໃນລະດູໜາວຈະມີລັກສະນະແຫ້ງ ຖ້າຍັງບໍ່ປັບປ່ຽນພຶດຕິກຳກໍຮັບຮອງຜິວຈະແຫ້ງແຕກແນ່ນອນ
1.ການອາບນ້ຳ ຫລື ແຊ່ນ້ຳອຸ່ນເປັນເວລາດົນ
ເຂົ້າໃຈດີເລີຍວ່າ ເວລາອາກາດໜາວໆ ການໄດ້ນອນແຊ່ໃນອ່າງມັນສະບາຍເທົ່າໃດ ແຕ່ແລ້ວຄວາມສະບາຍກໍຕ້ອງຈົບລົງເມື່ອກ້າວຂາຂຶ້ນມາຈາກອ່າງ ຮູ້ສຶກຫຍັງບໍ່?? ຜິວທີ່ແຫ້ງຂຶ້ນທີ່ເຫັນໄດ້ຢ່າງຊັດເຈນເພາະນ້ຳອຸ່ນຈະເປີດຮູຂຸມຂົນ ແລະ ເຮັດໃຫ້ຄວາມຊຸ່ມຊື່ນລະເຫີຍອອກໄປ ທາງທີ່ດີຄວນປັບອຸນຫະພູມນ້ຳບໍ່ໃຫ້ຮ້ອນເກີນໄປ ແລະ ທາໂລຊັນທັນທີພາຍຫລັງອາບນ້ຳແລ້ວ
2. ບໍ່ໃສ່ໃຈໃນເລັບມືທີ່ປ່ຽນໄປ
ເລັບມືເປັນໂຕບົ່ງຊີ້ທີ່ສຳຄັນ ເພາະມັນກໍສູນເສຍຄວາມຊຸ່ມຊື່ນໄປໃນລະດູໜາວຄືກັນ ຖ້າເລັບຂອງເຮົາເລີ່ມແຕກ ແລະ ຫັກງ່າຍ ກໍສະແດງວ່າມັນຕ້ອງການຄວາມຊຸ່ມຊື່ນແບບເລັ່ງດ່ວນນັ້ນເອງ ສະນັ້ນຫລັງລ້າງມືທຸກເທື່ອ ຄວນທາຄີມທາມື ແລະ ຫລີກລ້ຽງເຈວຂ້າເຊື້ອທີ່ມີສ່ວນປະສົມຂອງແອນກໍຮໍ ເພາະມັນຈະເຮັດໃຫ້ມືເຮົາຍິ່ງແຫ້ງຫລາຍຂຶ້ນໄປອີກ
3. ການຂັດຜິວ
ເຮົາອາດຄິດວ່າ ການຂັດຜິວຈະຊ່ວຍກຳຈັດຈຸລັງຜິວທີ່ຕາຍແລ້ວອອກໄປ ບໍ່ຜິດ ແຕ່ການທີ່ຜິວລອກຈາກອາກາດແຫ້ງນັ້ນຖືເປັນການເກີດການລະຄາຍເຄືອງຢ່າງໜຶ່ງ ຍິ່ງໄປຂັດມັນ ບັນຫາກໍຍິ່ງເພີ່ມຫລາຍຂຶ້ນ ທາງທີ່ດີຄວນຫາຄີມ ຫລື ໂລຊັນສຳລັບຜິວແພ້ງ່າຍມາທາ ລືມພວກຄີມທີ່ມີກິ່ນຫອມແຮງໆ ໄປໄດ້ເລີຍເພາະມັນຈະເຮັດໃຫ້ຜິວຍິ່ງຄັນຄາຍ ຫລາຍຂຶ້ນໄປອີກ