(ໂດຍຫຍໍ້): ແມ່ນເທດສະການ ການປະຕິບັດທາງສາສະໜາໃນໂບດ ການໃຫ້ຂອງຂວັນ ການລວມຕົວຂອງຄອບຄົວ ຫຼື ສັງຄົມອຶ່ນໆ ການຕົກແຕ່ງເຊິ່ງສັນຍາລັກອັນກ່ຽວຂ້ອງເທດສະການ ພະຄຣິສຕະສົມພົບ ຄຣິສມາສອິຟ ເທດສະການຕຽມການຮັບສະເດັດແມ່ພະຮັບສານ ວັນສົມໂພດພະຄຣິສສະແດງອົງ ການຊົງຮັບບັດສະມາຂອງພະຄຣິສ ການຖືສິນອົດຂອງພະຄຣິດຕະສົມພົບ ການປະສູດຂອງ ພະເຍຊູ ຕຣຸສຝຣັງ

(ລາຍລະອຽດ): ຄຣິສມາສ໌ (ອັງກິດ: Christmas, ໝາຍເຖິງ ພິທີມິສຊາຂອງ ພະຄຣິສ) ຫຼື ວັນສົມໂພດພະຄຣິດຕະສົມພົບ (ອັງກິດ:​Feast of the Nativity) ຈັດຂຶ້ນເປັນປະຈໍາແຕ້ລະປີເພື່ອສະເຫຼີມສະຫຼອງການປະສູດຂອງພະເຍຊູ, ເປັນວັນຢຸດທາງສາສະໜ້າ ແລະ ວັດທະນາທໍາ  ປະຊາກອນຫຼາຍພັນລ້ານຄົນທົ່ວໂລກຈັດການສະເຫຼີມສະຫຼອງໃນວັນທີ 25 ທັນວາ ວັນດັ່ງກ່າວປັນພິທີກໍາຂອງຄຣິສສາສະນິກະຊົນເປັນສໍາຄັນວັນຄຣິສສະມາສເປັນວັນປິດເທດສະການຕຽມການຮັບສະເດັດ (Advent) ແລະ ວັນເລີ້ມຕົ້ນເທດສະການພະຄຣິສ ຕະສົມພົບ (Christmastide) ສິບສອງວັນຄຣິສມາສ ເປັນວັນຢຸດເທດສະການໃນຫຼາຍປະເທດທົ່ວໂລກ ແລະ ກໍ່ເລີ່ມມີຄົນທີ່ບໍ່ແມ່ນຄຣິສສາສະນິກະຊົນ ໄດ້ຫັນມາສະເຫຼີມສະຫຼອງກັນຫຼາຍຂຶ້ນ ແລະ ເປັນສ່ວນສໍາຄັນໃນຄຣິສມາສ ແລະ ລະດູວັນຢຸດ.

ວັນທີ່ພະເຍຊູປະສູດແທ້ໆນັ້ນບໍ່ທັນຊາບແນ່ຊັດເທື່ອ ແຕ່ນັກປະຫວັດສາດສະໄໝຄາດຄະເນວ່າ ປະມານ 2 ​ປີ ກ່ອນ ຄສ ແລະ ຄສ.7 ໃນຊ່ວງຕົ້ນເຖິງກາງຄຣິສຕະສະວັດທີ່ 4​ ສາສະໜາຄຣິສຕາເວັນຕົກກໍາໜົດວັນຄຣິສມາສ ກົງກົບວັນທີ 25 ​ທັນວາ ຊຶ່ງຕໍ່ມາສາສະໜາ ຄຣິສຕາເວັນອອກໄດ້ຮັບວັນດ່ັງກ່າວໄປດ້ວຍ. ມີທິດສະດີອະທິບາຍວ່າ ເຫດຜົນທີ່ເລືອກວັນທີ 25 ທັນວາ ເພາະເປັນວັນສະເຫຼີມສະຫຼອງຄຣິສຕະສົມພົບເພາະເປັນເວລາ 9 ເດືອນພໍດີ ຫຼັງຈາກຄຣິສສາສະນິກະຊົນສະໄໝທໍາອິດສະເຫຼີມສະຫຼອງວັນແມ່ພະຮັບສານ ຫຼືກົງກັບວັນເໝົາຍັນຂອງໂຣມັນ ຫຼືເທດສະການລະດູໜາວເພເກີນໂບຮານເພື່ອຢຸດການສະເຫຼີມສະຫຼອງເຫຼົ່ານີ້ ແລະ ແທນທີ່ດ້ວຍການສະຫຼອງຂອງຄຣິສສາສະນິກະຊົນ

ວັນການສະເຫຼີມສະຫຼອງໃນສາສະໜາຄຣິສຕາເວັນອອກແຕ່ກ່ອນຄື ວັນທີ 6 ມັງກອນ ໂດຍເຊື່ອມຍົງກັບວັນສົມໂພດພະຄຣິສສະແດງອົງໃນປັດຈຸບັນວັນດັ່ງກ່າວຍັງເປັນວັນສະເຫຼີມສະຫຼອງສໍາລັບຄຣິສຕະຈັກອາຣ໌ມີເນຍ໌ ອະໂພສໂຕລິກ ແລະ ໃນປະເທດອາຣ໌ມີເນຍ໌ ຊຶ່ງຖືເປັນວັນຢຸດລາດຊະການຈົນເຖິງ ຄສ 2011 ລະຫວ່າງປະຕິທິນເກຣໂກຣຽນສະໄໝໃໝ່ ແລະ ປະຕິທິນຈູລຽນທີ່ເກົ່າກວ່າມີວັນຄາດເຄື່ອນຢູ່ 13​ວັນ ຜູ່ທີ່ຍັງໃຊ້ປະຕິທິນຈູລຽນຫຼືທຽບເທົ້າຕໍ່ໄປຈຶ່ງສະເຫຼີມສະຫຼອງວັນທີ 25 ທັນວາ ແລະ 6 ມັງກອນ ທີ່ ປະຊາກອນໂລກສ່ວນໃຫຍ່ສະເຫຼີມສະຫຼອງວັນທີ 7 ມັງກອນ ແລະ 19 ມັງກອນແທນ ດ້ວຍເຫດນີ້ ເອທີໂອເປຍ ລັດເຊຍ ຢູເຄນ ມາເຊໂດເນຍ ແລະ ມອລໂດວາ ຈຶ່ງສະເຫຼີມສະຫຼອງວັນຄຣິສມາສທັງທີ່ເປັນວັນສົມໂພດຂອງຄຣິສສາສະນິກະຊົນ ແລະ ທີ່ເປັນວັນຢຸດລາດຊະການຕາມໃນປະຕິທິນເກລໂກລຽນຄືວັນທີ 7 ມັງກອນ

ປະເພນີການສະຫຼອງອັນເປັນທີ່ນິຍົມຄືກັນໃນຫຼາຍປະເທດມີການປະສົມປະສານແນວຄິດ ແລະ ກໍາເນີດກ່ອນສາສະໜາຄຣິສ ສະໄໝສາສະໜາຄຣິສ ແລະ ຄະລາວາດ ປະເພນີສະໄໝໃໝ່ທີ່ໄດ້ຮັບຄວາມນິຍົມໃນວັນດັ່ງກ່າວມີການໃຫ້ຂອງຂວັນ ເພງຄຣິສມາສ ແລະ ເພງເທດສະການການແລກປ່ຽນຈົດໝາຍນ້ອຍຂອງກາດຄຣິສມາສ ການຕົກແຕ່ງໂບດມື້ພິເສດ ແລະ ການຈັດການສະແດງການຕົກແຕ່ງຫຼາຍຢ່າງລວມທັງຕົ້ນຄຣິສມາສ ແສງໄຟ  ສາກການປະສູດຂອງພະເຍຊູມາໄລພວງຫຣິດ ມິສເຊິນໂທ ແລະ ຮອນລີ ນອກຈາກນັ້ນບຸກຄົນທີ່ກ່ຽວຂ້ອງກັນຢ່າງໄກ້ຊິດ ແລະ ແທນກັນໄດ້ຫຼາຍຄັ້ງ ຫຼາຍຄົນເຊັ່ນຊານຕາຄຣອສ  ຟາເທີຄຣິສມາສ ນັກບຸນນິໂຄລັສ ແລະ ຄຣິສຄິນດ໌ ກ່ຽວຂ້ອງກັບການໃຫ້ຂອງຂວັນແກ່ເດັກໃນເທດສະການຄຣິສມາສ ແລະ ຕ່າງມີປະເພນີ ແລະ ຕໍານານເປັນຂອງຕົນອງ ເພາະການໃຫ້ຂອງຂວັນ ແລະ ອີກຫຼາຍຢ່າງຂອງເທດສະການຄຣິສມາສ ທີ່ກ່ຽວຂ້ອງກັບກິດຈະກໍາທາງເສດຖະກິດທີ່ເພີ່ມສູູງຂຶ້ນທັງໃນບັນດາຄຣີສສາສະນິກະຊົນ ແລະ ຜູ້ທີ່ບໍ່ແມ່ນວັນຄຣິສມາສຈຶ່ງເປັນເຫດສໍາຄັນ ແລະ ຊ່ວງລົດລາຄາຫຼັກສໍາລັບຜູ້ຄ່າລາຍຍ່ອຍ ແລະ ທຸລະກິດຜົນກະທົບທາງເສດຖະກິດຂອງຄຣິສມາສເປັນປັດໄຈຊຶງເຕີບໂຕຂຶ້ນຢ່າງຕໍ່ເນື່ອງຕະຫຼອດຫຼາຍສັດຕະວັດທີ່ຜ່ານມາໃນຫຼາຍພູມີພາກທົ່ວໂລກ.