ເມື່ອເວົ້າຫາເຂົ້າໜຽວດຳ ຫລື “ເຂົ້າກ່ຳ” ຫລາຍຄົນກໍ່ຄິດຮອດຂອງຫວານໆ ເຊັ່ນເຂົ້າໜຽວດຳນ້ຳກະທິ ແຕ່ຄວາມຈິງແລ້ວເຂົ້າໜຽວດຳມີສັບພະຄຸນລ້ຳເລີດຫລາຍກວ່ານັ້ນ ເພາະມີສາລະພັດສານອາຫານທີ່ເປັນປະໂຫຍດຕໍ່ຮ່າງກາຍ ອີກທັງຍັງຊ່ວຍປ້ອງກັນພະຍາດຕ່າງໆ ດັ່ງນີ້
ຫລຸດຄວາມສ່ຽງພະຍາດຫົວໃຈ
ໃນເຂົ້າໜຽວດຳມີສານ “ແກມມາໂອໄລຊານອລ” (gamma oryzanol) ເຊິ່ງສາມາດຫລຸດໄຂມັນອຸດຕັນໃນຫລອດເລືອດ ຈຶ່ງຊ່ວຍຫລຸດຄວາມສ່ຽງຂອງການເປັນພະຍາດຫົວໃຈໄດ້
ຍັບຍັ້ງການຈະເລີນເຕີບໂຕຂອງ ຈຸລັງມະເຮັງ
ສານ “ແອນໂທໄຊຢານິນ (anthocyanin) ” ທີ່ພົບໃນເຂົ້າກໍ່າມີຄຸນສົມບັດໃນການຍັບຍັ້ງການຈະເລີນເຕີບໂຕຂອງ ຈຸລັງມະເລັງປອດຢ່າງຊັດເຈນ
ປ້ອງກັນພະຍາດເລືອດຈາງ
ໃນເຂົ້າກໍ່າມີທາດເຫລັກທີ່ເປັນອົງປະກອບສຳຄັນໃນການສ້າງເມັດເລືອດແດງ ເຊິ່ງຖ້າຫາກຮ່າງກາຍໄດ້ຮັບທາດເຫລັກບໍ່ພຽງພໍຈະເຮັດໃຫ້ເກີດພະຍາດເລືອດຈາງໄດ້
ທີ່ສຳຄັນ ເຂົ້າກໍ່າຍັງອຸດົມໄປດ້ວຍມີ ວິຕາມິນເອ ອີ ບີ 1 ບີ 2 ແລະ ບີ 6 ຊ່ວຍບຳລຸງສາຍຕາ ແລະ ບຳລຸງສະຫມອງນໍາອີກ