ກະຫລ່ຳດອກ ຫລື ດອກກະຫລ່ຳ ເປັນຜັກອີກຊະນິດໜຶ່ງທີ່ຫລາຍໆຄົນມັກກິນ ເພາະສາມາດນຳໄປປະກອບອາຫານໄດ້ຫລາກຫລາຍ ແລະ ລົດຊາດກອບ ແຕ່ຫລາຍໆຄົນບໍ່ຮູ້ປະໂຫຍດ ແລະ ສັນພະຄຸນທາງຢາຂອງ ກະຫລ່ຳດອກ
ຄຸນຄ່າທາງອາຫານຂອງ ກະຫລ່ຳດອກ
ມີວິຕາມິນຊີສູງຫລາຍ ດອກກະຫລ່ຳ 100 ກຣາມ ມີວິຕາມິນຊີສູງເຖິງ 96 ມິນລີກຣາມ ສູງກວ່າທີ່ຮ່າງກາຍເຮົາຕ້ອງການໃນ 1 ມື້ ຄື 60 ມິລີກຣາມ ນອກຈາກຈະຊ່ວຍປ້ອງກັນພະຍາດເລືອດອອກຕາມເຟັນແຂ້ວແລ້ວ ຍັງຊ່ວຍເພີ່ມປະລິມານສະເປີມ ແລະ ເຮັດໃຫ້ສະເປິມແຂງແຮງນໍາອີກ ໃນດອກກະຫລ່ຳມີສານຊັນໂຟລາເຟນທີ່ເພີ່ມປະລິມານແອນໄຊທີ່ເປັນຫລັກໃນການຕໍ່ສູ້ກັບຈຸລັງມະເຮັງ ຊ່ວຍປ້ອງກັນມະເຮັງທີ່ ເຕົ້ານົມ ແລະ ລຳໄສ້ໃຫຍ່ໄດ້ດີ
ປະກອບດ້ວຍສານເອນໄຊຕ້ານມະເຮັງຊື່ (sulforaphane) (phenolics) (isothiocyanates) (indoles) (indole-3-carbinal) (dithiolthiones) (glucosinolates) (folic acid & coumarines) ໂດຍສະເພາະຢ່າງຍິ່ງໃນກະຫລ່ຳດິບຈະມີວິຕາມິນຊີສູງ ມີທາດໂພແທດຊຽມ ກຳມະຖັນ ແລະ ເສັ້ນໃຍຫລາຍ
ປະໂຫຍດຂອງ ກະຫລ່ຳດອກ
ໃຊ້ກິນເປັນຜັກ ມີສານທີ່ສາມາດດຶງສານກໍ່ມະເຮັງ (carcinogen) ອອກຈາກຈຸລັງ ກົນໄກທີ່ເກີດຂຶ້ນ ຄື ສານຊັນໂຟລາເຟນ ເຮັດໃຫ້ມີການຜະລິດ ເອມໄຊ phase II ຫລາຍຂຶ້ນ ເຊິ່ງສາມາດໄປຫລຸດການຜະລິດເອັມໄຊ- phase I ທີ່ເປັນອັນຕະລາຍ ເພາະເອັມໄຊຊະນິດທໍາອິດນີ້ສາມາດໄປ ເຮັດອັນຕະລາຍຕໍ່ສານພັນທຸກຳພາຍໃນຈຸລັງ ພືດໃນວົງນີ້ລວມໄປເຖິງ ບລັອກໂຄລີ ຜັກກາດ ແລະ ກະຫລ່ຳຕ່າງໆ ສານປະກອບທີ່ພົບແລ້ວໃນພືດວົງນີ້ສາມາດຕ້ານອານຸມູນອິດສະໄດ້ດີ ມີສານໂພແທດຊ່ຽມສູງ ເຊິ່ງຊ່ວຍຄວບຄຸມການເຮັດວຽກງານຂອງຫົວໃຈ ແລະ ຄວາມດັນເລືອດ ມີສານຕ້ານອານຸມູນອິດສະຫລະສູງ ຊ່ວຍຕ້ານການເກີດມະເຮັງ ສານຊັນໂຟລາເຟນ ຊ່ວຍເພີ່ມປະລິມານເອັມໄຊ ທີ່ເປັນຫລັກໃນການຕໍ່ສູ້ກັບຈຸລັງມະເຮັງໄດ້ດີຫລາຍ ຄວນກິນເປັນປະຈຳ ຈະສາມາດຊ່ວຍປ້ອງກັນມະເຮັງເຕົ້ານົມ ແລະ ລຳໄສ້ໃຫຍ່ໄດ້ດີ ກົດ ໂຟລິກ ຊ່ວຍປ້ອງກັນມະເຮັງ ລຳໄສ້ ແລະ ມະເຮັງເຕົ້ານົມ ສານອິນໂດນ ຄາດວ່າຊ່ວຍເສີມພູມຄຸ້ມກັນ ແລະ ຕ້ານມະເລັງບາງຊະນິດໄດ້ດີ ສານອິນໂດນ 3 ຊ່ວຍປ້ອງກັນມະເຮັງເຕົ້ານົມ ຄັ້ນເອົາແຕ່ນ້ຳອົມຊ່ວຍປິ່ນປົວແຜໃນປາກ ແກ້ອັກເສບ ນ້ຳຜັກສົດຊ່ວຍປິ່ນປົວແຜຊຳເຮື້ອ ພະຍາດຂີ້ທູດກວາງ ຫອບຫືດ ບໍ່ຄວນປຸງໃຫ້ສຸກເກີນໄປ ເພາະ ຄວາມຮ້ອນຈະໄປທຳລາຍຄຸນສົມບັດທາງຢາໄດ້
ສັບພະຄຸນຂອງ ກະຫລ່ຳດອກ
ໃນກະຫລ່ຳດອກ ຈະມີສານທີ່ສາມາດດຶງສານກໍ່ມະເຮັງທີ່ເອີ້ນວ່າ ຄາລຊິໂນເຈນ (carcinogens) ອອກຈາກ ຈຸລັງ ກົນໄກທີ່ເກີດຂຶ້ນຄື ສານຊັນໂຟລາເຟນ (sulforaphane) ເຮັດໃຫ້ມີການຜະລິດ ເອນໄຊເຟດທູຫລາຍຂຶ້ນ (phase II) ເຊິ່ງສາມາດໄປຫລຸດການຜະລິດ ເອນໄຊເຟດມື (phase I) ທີ່ເປັນອັນຕະລາຍໄດ້ ເພາະເອນໄຊເຟດທູ ສາມາດໄປເຮັດອັນຕະລາຍສານພັນທຸກຳໃນຈຸລັງ (cellular DNA) ແລະ ຈາກລາຍງານຜົນການວິໄຈທີ່ເປັນຂ່າວຮືຮາເມື່ອຕົ້ນປີທີ່ແລ້ວພົບວ່າ ພືດໃນວົງ (Cruciferae) ເຊິ່ງລວມເຖິງ ບລັອກໂຄລີ ຜັກກາດນາ ຜັກກາດຂາວ ແລະ ກະຫລ່ຳຕ່າງໆ ມີສານປະກອບທີ່ສາມາດຕ້ານອານຸມູນອິດສະຫລະໄດ້ດີ ດັ່ງນັ້ນຈຶ່ງຊ່ວຍຕ້ານມະເຮັງໄດ້ ໂດຍສະເພາະຢ່າງຍິ່ງມີລາຍງານວ່າ ຜັກດັງກ່າວຊ່ວຍປ້ອງກັນມະເຮັງເຕົ້ານົມແລະ ມະເຮັງລຳໄສ້ໃຫຍ່ໄດ້ດີ ແລະ ຈາກການທີ່ມີ ໂພແທດຊຽມ ສູງນີ້ເອງ ຈຶ່ງຊ່ວຍຄວບຄຸມການເຮັດວຽກງານຂອງຫົວໃຈ ແລະ ຄວາມດັນເລືອດໄດ້ນໍາອີກ
ມີລາຍງານວິທີການໃຊ້ ກະຫລ່ຳດອກ ໂດຍໃຫ້ ນຳ ກະຫລ່ຳດອກ ໄປບີບເອົານ້ຳ ແລ້ວນຳນ້ຳ ກະຫລ່ຳດອກ ທີ່ບີບໄດ້ໄປໃຊ້ ບ້ວນປາກ ພົບວ່າ ສາມາດປິ່ນປົວແຜໃນປາກ ແກ້ເຈັບຄໍ ນອກຈາກນີ້ຍັງພົບວ່າໃນນ້ຳ ກະຫລ່ຳດອກສົດ ຊ່ວຍປິ່ນປົວ ແຜຊຳເຮື້ອ ພະຍາດຂີ້ທູດກວາງ ເຈັບຫົວຊະນິດຊໍ້າເຮື້ອ ຫອບຫືດ ຫລອດລົມອັກເສບ ໂດຍແນະນຳໃຫ້ດື່ມປະມານ 1- 2 ອອນທຸກມື້ ແລະ ຖ້າຫາກກິນ ກະຫລ່ຳດອກ ສົດມີ ຄຳແນະນຳວ່າ ໃນການກິນ ກະຫລ່ຳດອກ ຢ່າປຸງສຸກເກີນໄປ ເພາະການປຸງສຸກເກີນໄປຈະທຳລາຍຄຸນສົມບັດທາງຢາຂອງ ກະຫລ່ຳດອກ