ຖືເປັນຂ່າວທີ່ກຳລັງໂດ່ງດັງໃນວົງການທ່ອງທ່ຽວ ເມື່ອແຂວງຈຳປາສັກ ວາງແຜນຍົກລະດັບແຫຼ່ງທ່ອງທ່ຽວໃຫ້ກາຍເປັນ ຈຸດLandmar ລະດັບໂລກ ໂດຍການຈັບມືຮ່ວມກັບ Sun Group ບໍລິສັດຜູ້ສ້າງຕຳນານສວນສະໜຸກ Ba Na Hills ທີ່ໂດ່ງດັງຈາກປະເທດຫວຽດນາມ.
ແລະ ນີ້ຄື 3 ຈຸດຍຸດທະສາດທີ່ກຽມຈະປ່ຽນແປງ ທ່ານ ປອ ອາລຸນໄຊ ສູນນະລາດ ເລຂາພັກແຂວງຈຳປາສັກ ໄດ້ສະເໜີ 3 ເຂດທີ່ມີທ່າແຮງສູງສຸດ ເພື່ອໃຫ້ທາງ Sun Group ເຂົ້າມາສຶກສາສຳຫຼວດ:
- ເຂດພູສ່າເຫຼົ້າ – ພູມະໂລງ (ເມືອງໂພນທອງ): ຈຸດຊົມວິວແຄມຂອງທີ່ງົດງາມ ເໝາະແກ່ການສ້າງກະເຊົາລອຍຟ້າ
- ເຂດພູພຽງບໍລິເວນ (ເມືອງປາກຊ່ອງ): ພື້ນທີ່ ສະວິດເຊີແລນເມືອງລາວ ທີ່ມີອາກາດເຢັນຕະຫຼອດປີ (18-20 ອົງສາ), ເໝາະສຳລັບຣີສອດລະດັບພຣີມຽມ
- ເຂດສີພັນດອນ (ເມືອງໂຂງ): ຄວາມມະຫັດສະຈັນທາງທຳມະຊາດໜຶ່ງດຽວໃນອາຊີອາຄະເນ.
ເປັນຫຍັງຕ້ອງແມ່ນ ຈຳປາສັກ: ເພາະວ່າສະຖານທີ່ໂດດເດັ່ນ ມີທັງມໍລະດົກໂລກວັດພູ ແລະ ແຫຼ່ງປູກພືດເມືອງໜາວ (Blueberry, Macadamia), ການເຊື່ອມຕໍ່ດີຢ້ຽມ ຕັ້ງຢູ່ຈຸດຍຸດທະສາດທີ່ເຊື່ອມ ໄທ-ກຳປູເຈຍ-ຫວຽດນາມ ໄດ້ຢ່າງສະດວກ, ໃນເດືອນ ມິຖຸນາ 2026 ນີ້, ຄະນະບໍລິຫານຂອງ Sun Group ຈະລົງພື້ນທີ່ຕົວຈິງຢູ່ແຂວງຈຳປາສັກ ເພື່ອສຶກສາຄວາມເປັນໄປໄດ້ໃນການລົງທຶນ.
ສະຫຼຸບ: ຖ້າໂຄງການນີ້ເກີດຂຶ້ນຈິງ, ຈຳປາສັກຈະບໍ່ໄດ້ມີດີແຕ່ທຳມະຊາດແບບເດີມໆ ແຕ່ຈະກາຍເປັນສູນກາງການທ່ອງທ່ຽວທີ່ທັນສະໄໝ ມີມາດຕະຖານລະດັບສາກົນ ເຊິ່ງຈະຊ່ວຍດຶງດູດນັກທ່ອງທ່ຽວຈາກທົ່ວໂລກ ແລະ ສ້າງລາຍຮັບມະຫາສານໃຫ້ກັບທ້ອງຖິ່ນ.
ນອກຈາກນີ້ ໃນວາລະກອງປະຊຸມສະໄໝວິສາມັນເທື່ອທີ 1 ຂອງສະພາແຫ່ງຊາດ ຊຸດທີ X ໃນວັນທີ 6 ກໍລະກົດນີ້, ທ່ານ ອາລຸນໄຊ ສູນນະລາດ ສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 15 ແຂວງຈຳປາສັກ ໄດ້ປະກອບຄຳເຫັນຕໍ່ບົດລາຍງານຂອງລັດຖະບານ ເຊິ່ງທ່ານສະເໜີໃຫ້ທົບທວນບາງນະໂຍບາຍສຳຄັນ ໂດຍສະເພາະການພັດທະນາພື້ນຖານໂຄງລ່າງດ້ານຂົນສົ່ງ ເຊັ່ນການຂະຫຍາຍລະບົບລົດໄຟ ໄປຍັງເຂດພາກໃຕ້ ເພື່ອຮອງຮັບທ່າແຮງການຜະລິດ ແລະ ການຄ້າຂອງພາກພື້ນ.
ພ້ອມທັງ ຊ່ວຍຍົກລະດັບການເຕີບໂຕທາງເສດຖະກິດ ການປະຕິບັດນະໂຍບາຍຄຸ້ມຄອງການນຳເຂົ້າສິນຄ້າບາງດ້ານ ຍັງຂາດຄວາມເປັນເອກະພາບ, ສະນັ້ນ ຄວນກຳນົດມາດຕະການໃຫ້ຊັດເຈນກວ່າເກົ່າ, ກົນໄກການແບ່ງຂັ້ນຄຸ້ມຄອງລະຫວ່າງສູນກາງ ແລະ ທ້ອງຖິ່ນ ກໍຄວນໄດ້ຮັບການທົບທວນ ແລະ ປັບປຸງ ເພື່ອໃຫ້ການບໍລິຫານລັດມີປະສິດທິພາບສູງຂຶ້ນ.
ສຳລັບບັນຫາການບໍລິຫານບຸກຄະລາກອນທີ່ລັດຖະບານໄດ້ສະເໜີມີໂກຕາ 2,500 ຕຳແໜ່ງ, ຄວນແບ່ງໃຫ້ທົ່ວເຖິງ ໂດຍໃຫ້ຄວາມສຳຄັນແກ່ບຸກຄະລາກອນຂະແໜງສາທາລະນະສຸກ ແລະ ຄູອາສາສະໝັກ ທີ່ໄດ້ເສຍສະຫຼະ ແລະ ປະຕິບັດໜ້າທີ່ມາເປັນເວລາຍາວນານ ເພື່ອເປັນຂວັນ ແລະ ກຳລັງໃຈໃນການປະຕິບັດໜ້າທີ່ຮັບໃຊ້ສັງຄົມ.
ແຫຼ່ງທີ່ມາ: