Homeຂ່າວທ້ອງຖິ່ນທຳລາຍລະເບີດ 3 ໜ່ວຍ! ໂຄງການເກັບກູ້ລະເບີດແຫ່ງຊາດ ແຂວງອັດຕະປື ທຳລາຍລະເບີດໃຫຍ່ ປະເພດ MK 82 GPLD ນໍ້າໜັກ 500...

ທຳລາຍລະເບີດ 3 ໜ່ວຍ! ໂຄງການເກັບກູ້ລະເບີດແຫ່ງຊາດ ແຂວງອັດຕະປື ທຳລາຍລະເບີດໃຫຍ່ ປະເພດ MK 82 GPLD ນໍ້າໜັກ 500 ປອນ ຈໍານວນ 3 ໜ່ວຍ

Published on

ໃນວັນທີ 17-19 ພຶດສະພາ 2026 ຜ່ານມາ, ທີມງານພາກສະໜາມຂອງໂຄງການເກັບກູ້ລະເບີດແຫ່ງຊາດ (ຄກລ) ປະຈໍາແຂວງອັດຕະປື ໂດຍໄດ້ຮັບການສະໜັບສະໜູນຈາກລັດຖະບານ ສະຫະ ລັດອາເມລິກາ ສຳເລັດການທຳລາຍລະເບີດໃຫຍ່ ປະເພດ MK 82 GPLD ນໍ້າໜັກ 500 ປອນ ຫຼື ປະມານ 226,7 ກິໂລກຣາມ ຈໍານວນ 3 ໜ່ວຍ ຢູ່ບ້ານວົງລະ ຄອນ ເມືອງພູວົງ ແຂວງອັດຕະປື.

ກ່ອນໜ້ານີ້ລະເບີດດັ່ງກ່າວ, ໄດ້ຖືກພົບເຫັນຢູ່ໃນສວນມັນຕົ້ນຂອງ ທ່ານ ຫັດ ຊຶ່ງເປັນເຈົ້າຂອງທີ່ດິນ ແລະ ເປັນປະຊົນຂອງ ບ້ານວົງລະຄອນ. ພາຍຫລັງການລົງສຳຫລວດເພື່ອພິສູດປະເພດລະເບີດ ແລະ ວາງແຜນການທຳລາຍ, ທີມງານ ຄກລ ປະຈໍາແຂວງອັດຕະປື ກໍໄດ້ປະສານສົມທົບກັບອົງການປົກຄອງທ້ອງຖິ່ນ ແລະ ແຈ້ງໃຫ້ປະຊາຊົນຮັບຊາບຕໍ່ແຜນການທຳລາຍ.

ຜ່ານການປະເມີນທາງດ້ານວິຊາການ ແລະ ການຮັບປະກັນຄວາມຄວາມປອດໄພ ໃຫ້ແກ່ຊຸມຊົນ, ທີມງານພາກສະໜາມໄດ້ເຄື່ອນຍ້າຍລະເບີດອອກຈາກຈຸດທີ່ພົບເຫັນ ເພື່ອນຳໄປທຳລາຍໃນຈຸດທີ່ມີຄວາມປອດໄພ ແລະ ຫ່າງອອກຈາກຊຸມຊົນປະມານ 1.500 ແມັດ ຊຶ່ງການທຳລາຍຄັ້ງນີ້ແມ່ນໄດ້ນຳໃຊ້ເຕັກນິກການທຳລາຍແບບແຮງຕໍ່າ ແລະ ສຳເລັດລຸລ່ວງໄປດ້ວຍດີຕາມເຕັກນິກວິຊາການ.

ແຫຼ່ງຂໍ້ມູນ: ປະເທດລາວ

ບົດຄວາມຫຼ້າສຸດ

ອີຣານ-ອາເມລິກາ ເຈລະຈາຍຸດຕິຄວາມຂັດແຍ່ງ! ພາຍໃນ 60 ວັນນີ້ ຖ້າການເຈລະຈາຫຼົ້ມເຫຼວ ຫຼື ມີຝ່າຍໃດຝ່າຍໜຶ່ງລະເມີດ ອາດນໍາມາສູ່ຄວາມຂັດແຍ້ງອີກຄັ້ງ

ອີງຕາມການລາຍງານຂອງສຳນັກຂ່າວຕ່າງປະເທດ ເມື່ອບໍ່ດົນມານີ້ຜູ້ນຳຂອງຝຣັ່ງ ເຢຍລະມັນ ອັງກິດ ຍີ່ປຸ່ນ ແຄນນາດາ ແລະ ສະຫະລັດອາເມລິກາ ຮຽກຮ້ອງຖະແຫຼ່ງການຮ່ວມ ໃຫ້ມີການຢຸດຍິງທັນທີໃນເລບານອນ ເຊິ່ງໃນບັນທຶກຂໍ້ຕົກລົງຮຽກຮ້ອງໃຫ້ຍຸດຕິຄວາມຂັດແຍ້ງລະຫວ່າງອິສະລາເອວ ແລະ ກຸ່ມ Hezbollah,...

ສືບຕໍ່ລະວັງຝົນຕົກ ແຂວງບໍລິຄໍາໄຊ, ແຂວງຈໍາປາສັກ ແລະ ແຂວງເຊກອງ ຍັງມີເນື້ອທີ່ປົກຫຸ້ມຝົນສູງເຖິງ 40-50% ພະຍາກອນອາກາດ ວັນທີ 18 ມິຖຸນາ 2026

ພະຍາກອນອາກາດ ວັນທີ 18 ມິຖຸນາ 2026 ບໍລິເວນຄວາມກົດດັນອາກາດຕໍ່າ ຍັງຈະປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ ຫາ ປານ ກາງ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ ພັດປົກຄຸມ, ຊຶ່ືງຈະເຮັດອາກາດຮ້ອນ...

ຂ່າວດີ! ພົບຊ້າງປ່າ ເຈົ້າໜ້າທີ່ປ່າສະຫງວນແຫ່ງຊາດນໍ້າປຸຍ  ແຂວງໄຊຍະບູລີ ພົບເຫັນ ແລະ ຖ່າຍຮູບພາບຊ້າງປ່າ ໃນຂະນະລົງປະຕິບັດກິດຈະກໍາໂຄງການ

ພາບຊ້າງປ່າທີ່ປ່າສະຫງວນແຫ່ງຊາດນໍ້າປຸຍ ແຂວງໄຊຍະບູລີ ເຊິ່ງຖ່າຍໄດ້ຈາກທີມງານໂຄງການ ແລະ ເຈົ້າໜ້າທີ່ປ່າສະຫງວນ ໃນຂະນະລົງປະຕິບັດກິດຈະກໍາໂຄງການ ໃນວັນທີ 10/06/2026 ທີ່ຜ່ານມາ. ປ່າສະຫງວນແຫ່ງຊາດນໍ້າປຸຍ ແຂວງໄຊຍະບູລີ ເປັນຖິ່ນອາໄສອັນດັບຕົ້ນໆຂອງປະເທດລາວ ທີ່ມີຊ້າງປ່າອາຊີ ອາໄສຢູ່, ແລະ...