ສຳນັກຂ່າວຕ່າງປະເທດລາຍງານໃຫ້ຮູ້ວ່າ ເມື່ອບໍ່ດົນມານີ້ປະເທດຫວຽດນາມໄດ້ມີການສະເໜີໃຫ້ປັບຂຶ້ນເງິນບໍານານ, ເງິນອຸດໜູນປະກັນສັງຄົມ ແລະ ເງິນອຸດໜູນປະຈໍາເດືອນ 8% ຈະເລີ່ມຕັ້ງແຕ່ວັນທີ 01 ກໍລະກົດ 2026 ເປັນຕົ້ນໄປ.

ກະຊວງພາຍໃນຫວຽດນາມ ໄດ້ສະເໜີຮ່າງດໍາລັດສະບັບໃໝ່ ເຊິ່ງກໍາລັງຢູ່ລະຫວ່າງການປະເມີນຂອງກະຊວງຍຸຕິທໍາ.

ສຳລັບກຸ່ມເປົ້າໝາຍທີ່ໄດ້ຮັບຜົນປະໂຫຍດ ອີງຕາມຮ່າງດໍາລັດ, ກຸ່ມເປົ້າໝາຍທີ່ຈະໄດ້ຮັບການປັບຂຶ້ນ 8% ລວມມີ:

– ພະນັກງານ, ລັດຖະກອນ, ວິຊາການ, ຄົນງານທີ່ເຮັດວຽກໃນຂະແໜງການຕ່າງໆ.

– ກໍາລັງປະກອບອາວຸດ.

– ຜູ້ທີ່ເຮັດວຽກດ້ານຄວາມລັບ.

– ພະນັກງານຂັ້ນຕາແສງ ແລະ ຜູ້ເຄື່ອນໄຫວບໍ່ສະເພາະເຈາະຈົງ.

– ຜູ້ທີ່ໄດ້ຮັບເງິນອຸດໜູນສູນເສຍຄວາມສາມາດໃນການອອກແຮງງານ.

– ຜູ້ທີ່ໄດ້ຮັບເງິນອຸດໜູນອຸບັດຕິເຫດໃນການອອກແຮງງານ ແລະ ພະຍາດອາຊີບ.

– ຜູ້ທີ່ໄດ້ຮັບເງິນອຸດໜູນເສຍຊີວິດປະຈໍາເດືອນ.

– ບາງກຸ່ມທີ່ກໍາລັງໄດ້ຮັບເງິນອຸດໜູນປະຈໍາເດືອນອື່ນໆ.

– ການປັບປຸງສໍາລັບຜູ້ທີ່ໄດ້ຮັບກ່ອນປີ 1995.

ແຫຼ່ງຂໍ້ມູນ: vnexpress, Lao Youth Radio