ລາວເປັນເຈົ້າພາບ! ສະຫະພັນກິລາເພາະກາຍໂລກ ຫຼື WBPF ຮັບຮອງຢ່າງເປັນທາງການແລ້ວ ອະນຸມັດໃຫ້ ສປປ ລາວ ຮັບກຽດເປັນເຈົ້າພາບ ຈັດງານແຂ່ງຂັນເພາະກາຍ ຊີງແຊ້ມໂລກ ຄັ້ງທີ 17 ທີ່ໂຮງແຮມດອນຈັນ ພາເຣດ ໃນທ້າຍປີນີ້.
ເມື່ອບໍ່ດົນມານີ້ ທ່ານ ດາໂຕະ ພໍຊົວ (ປະທານສະຫະພັນກິລາເພາະກາຍໂລກ) ແລະ ທ່ານ ນາງ ຄິສຕີນາ ຄັມ (ຜູ້ອໍານວຍການຝ່າຍບໍລິຫານສະຫະພັນກິລາເພາະກາຍໂລກ) ຫຼື WBPF ໄດ້ເດີນທາງມາເຮັດວຽກຢູ່ສປປ ລາວ ເພື່ອກວດສອບສະຖານທີ່ຕ່າງໆ ກຽມຈະຈັດການແຂ່ງຂັນກິລາເພາະກາຍຊິງແຊ໋ມໂລກ ຄັ້ງທີ່ 17 ທີ່ ສປປ ລາວ ຮັບເປັນເຈົ້າພາບ ລະຫວ່າງວັນທີ 3-9/12/2026 ໃຫ້ເປັນໄປຕາມມາດຕະຖານສາກົນ.
ແຫຼ່ງຂໍ້ມູນ: Lao Sports Media