ສຳນັກຂ່າວຕ່າງປະເທດລາຍງານວ່າ ເມື່ອບໍ່ດົນມານີ້ິ ທ່ານ ຢຸນ ຊັອກ ຢອນ ( Yoon Suk Yeol ) ອາດີດປະທານປະເທດເກົາຫຼີໃຕ້ ຖືກກ່າວຫາ ຫຼັກໆແມ່ນກ່ຽວກັບການ “ກໍ່ກະບົດ” ຫຼື ການນຳໃຊ້ອຳນາດລັດແບບບໍ່ເໝາະສົມ. ຫຼັງຈາກການປະກາດກົດໄອຍະການສຶກ (martial law) ໃນປີ 2024.
ຢຸນ ຊັອກ ຢອນ, ຖືກຂໍ້ກ່າວຫາວ່າ: ໃຊ້ການຕັດສິນໃຈທີ່ໃຊ້ອຳນາດພິເສດຂອງລັດ ເພື່ອຄວບຄຸມສະຖານະການການເມືອງ, ເຊິ່ງຝ່າຍໄອຍະການເຫັນວ່າ ອາດເປັນການລະເມີດລະບອບປະຊາທິປະໄຕ ແລະ ຂັດກັບກົດໝາຍ.
ດັ່ງນັ້ນ, ຈຶ່ງເປັນຄະດີທີ່ມີຄວາມຮ້າຍແຮງ ເພາະກົດໝາຍ ສ ເກົາຫຼີ ກຳນົດວ່າ: ເປັນການກໍ່ກະບົດ ແລະ ອາດມີໂທດສູງສຸດຈຳຄຸກຕະຫຼອດຊີວິດ ຫຼື ໂທດປະຫານຊີວິດ (ເຖິງ ສ ເກົາຫຼີ ຈະບໍ່ໄດ້ປະຕິບັດໂທດປະຫານມາຫຼາຍປີ ແຕ່ກໍລະນີນີ້ຈະບໍ່ປ່ອຍໄປເດັດຂາດ).
ຢ່າງໃດກໍຕາມ “ຢູນ ຊັອກ ຢອນ” ໄດ້ປະຕິເສດຂໍ້ກ່າວຫາ ແລະ ລະບຸວ່າ: ການຕັດສິນໃຈດັ່ງກ່າວ ເຮັດໄປເພື່ອຮັກສາຄວາມສະຫງົບ ແລະ ຄວາມໝັ້ນຄົງຂອງປະເທດ. ໃນຂະນະດຽວກັນ, ສານກຳລັງກະກຽມອ່ານຄຳພິພາກສາ ເຊິ່ງຜົນຕັດສິນອາດສົ່ງຜົນກະທົບຕໍ່ການເມືອງຂອງ ສ ເກົາຫຼີ.
ແຫຼ່ງທີ່ມາ: BBC, KBS
#ສເກົາຫຼີ #ຂ່າວຕ່າງປະເທດ #ລາວ