ໃນທຸກໆປີ ເມື່ອເຖິງມື້ວາເລັນທາຍ 14 ກຸມພາ ດອກກຸຫຼາບຈະກາຍເປັນດອກໄມ້ທີ່ໄດ້ຮັບຄວາມນິຍົມຫຼາຍທີ່ສຸດໃນການມອບໃຫ້ກັນເປັນຂອງຂວັນ. ດອກໄມ້ຊະນິດນີ້ບໍ່ແຕ່ມີຄວາມງາມ ແຕ່ຍັງເປັນຕົວແທນຂອງຄວາມຮັກ ແລະຄວາມພິເສດ.
ດອກກຸຫຼາບໄດ້ຖືກເຊື່ອມໂຍງກັບຄວາມຮັກມາຕັ້ງແຕ່ອະດີດ. ໃນວັດທະນະທໍາໂຣມັນ ດອກກຸຫຼາບແມ່ນດອກໄມ້ປະຈໍາຂອງ Venus ເທບແຫ່ງຄວາມຮັກ. ຄົນໃນຍຸກນັ້ນເຊື່ອວ່າ ດອກກຸຫຼາບສີແດງເປັນຕົວແທນຂອງຄວາມຮັກ ແລະ ຄວາມຫຼົງໄຫຼ. ຕໍ່ມາ ໃນຊ່ວງສະໄໝວິກໂຕເຣຍ (Victorian Era) ການມອບດອກໄມ້ໄດ້ກາຍເປັນ “ພາສາຂອງດອກໄມ້” ເພາະຜູ້ຄົນບໍ່ກ້າເວົ້າຄໍາວ່າຮັກໂດຍກົງ. ດອກກຸຫຼາບຈຶ່ງຖືກໃຊ້ເປັນສື່ກາງແທນຄໍາເວົ້າ.
ຄວາມໝາຍຂອງສີດອກກຸຫຼາບ ເຊິ່ງດອກກຸຫຼາບແຕ່ລະສີມີຄວາມໝາຍແຕກຕ່າງກັນ:
- ສີແດງ: ຄວາມຮັກແທ້, ຄວາມຫຼົງໄຫຼ
- ສີບົວ: ຄວາມອ່ອນໂຍນ, ຄວາມປະທັບໃຈ
- ສີຂາວ: ຄວາມບໍລິສຸດ, ຄວາມຈິງໃຈ
- ສີເຫຼືອງ: ມິດຕະພາບ, ຄວາມຫ່ວງໃຍ
- ສີສົ້ມ: ຄວາມຮູ້ສຶກຕື່ນເຕັ້ນ, ຄວາມຫຼົງໄຫຼ
ຄວາມໝາຍຂອງຈໍານວນດອກນອກຈາກສີ ຈໍານວນດອກກໍມີຄວາມໝາຍ:
- 1 ດອກ: ຮັກແຕ່ເຈົ້າ
- 3 ດອກ: ຂ້ອຍຮັກເຈົ້າ
- 9 ດອກ: ຮັກຕະຫຼອດໄປ
- 12 ດອກ: ຮັກແທ້ / ຂໍເປັນຄູ່
- 99 ດອກ: ຮັກຕະຫຼອດການ
- 108 ດອກ: ຂໍແຕ່ງງານ
ປັດຈຸບັນ ການມອບດອກກຸຫຼາບກາຍເປັນວັດທະນະທຳທີ່ຫຼາຍໆປະເທດ ຕ່າງມອບໃຫ້ກັນໃນວັນທີ 14 ກຸມພາ ໂດຍບໍ່ຈໍາກັດສະເພາະຄູ່ຮັກ ແຕ່ຍັງຖືກໃຊ້ໃນການສະແດງຄວາມຂອບໃຈ, ຄວາມຂໍໂທດ ແລະ ຄວາມຫ່ວງໃຍອີກດ້ວຍ.
ດອກກຸຫຼາບຈຶ່ງຖືກມອງເປັນສັນຍາລັກສາກົນຂອງ “ຄວາມຮູ້ສຶກ” ທີ່ສາມາດສື່ໄດ້ໂດຍບໍ່ຕ້ອງໃຊ້ຄໍາເວົ້າ.
ແຫຼ່ງຂໍ້ມູນ: loveyouflower