ສຳນັກຂ່າວຕ່າງປະເທດລາຍງານ ເມື່ອບໍ່ດົນມານີ້ ລັດຖະບານປະເທດອັງກິດໄດ້ປະກາດມາດຕະການຮີບດ່ວນ ໃຫ້ໂຮງຮຽນການເປັນສະຖານທີ່ປອດໂທລະສັບ ເຊິ່ງຈະມີການກວດກາຄືນກ່ຽວກັບນະໂຍບາຍການນໍາໃຊ້ໂທລະສັບ ໂດຍຄາດວ່າໂຮງຮຽນຈະກາຍເປັນບ່ອນທີ່ປອດໂທລະສັບ ແລະ ບໍ່ຄວນຫຼິ້ນໂທລະສັບໃນເວລາຮຽນ ຫຼື ໃນຊ່ວງເວລາພັກທ່ຽງ.

ເຖິງວ່າໂຮງຮຽນສ່ວນໃຫ່ຍຈະມີນະໂຍບາຍຫ້າມນໍາໃຊ້ໂທລະສັບມືຖືໃນສະຖານສຶກສາແລ້ວ  ໂດຍກວມເອົາໂຮງຮຽນປະຖົມເກືອບ 99% ແລະ ໂຮງຮຽນມັດຖະຍົມກວ່າ 90%, ແຕ່ທາງລັດຖະບານຍັງພົບກັບບັນຫາ ເພາະນັກຮຽນຊັ້ນມັດທະຍົມກວ່າ 58% ຍັງຄົງຝ່າຝືນ ແລະ ລັກໃຊ້ໂທລະສັບໂດຍບໍ່ໄດ້ຮັບອະນຸຍາດ ໂດຍສະເລ່ຍມີອາຍຸປະມານ 14-18 ປີ ເຊິ່ງສູງຂຶ້ນກວ່າ 65%.

ສຳລັບໂຮງຮຽນທີ່ແກ້ໄຂບັນຫາບໍ່ໄດ້ ທາງລັດຖະບານຈະຊ່ວຍເຫຼືອໂດຍການໃຫ້ບໍລິສັດທີ່ມີປະສົບການ ມາໃຫ້ຄໍາປຶກສາ ແລະ ສອນວິທີໃນການນໍາໃຊ້ມາດຕະການຢ່າງເຂັ້ມງວດ ແລະ ມີປະສິດທິພາບ

ນອກຈາກໂຮງຮຽນແລ້ວທາງລັດທະບານຍັງໃຫ້ໃຫ້ຄໍາແນະນໍາແກ່ຜູ້ປົກຄອງ ທີ່ລ້ຽງລູກໃນຊ່ວງອາຍຸ ປະມານ 6-16 ປີ, ເຊິ່ງຈະຊ່ວຍໃຫ້ຜູ້ປົກຄອງສາມາດຮູ້ຈັກການນໍາໃຊ້ເຄື່ອງມືດິຈີຕອນຢ່າງເໝາະສົມ ແລະ ບໍ່ສ້າງຄວາມກົດດັນໃຫ້ແກ່ລູກ.

ແຫຼ່ງຂໍ້ມູນ: TNN