ສຳນັກຂ່າງຕ່າງປະເທດລາຍງານວ່າ ເມື່ອບໍ່ດົນມານີ້ ຢູ່ນະຄອນອູ່ຫູ, ທາງພາກຕາເວັນອອກຂອງປະເທດຈີນ. ໄດ້ນຳຫຸ່ນຍົນຕຳຫຼວດຈະລາຈອນອັດສະລິຍະ ໂຣໂບຄອບ ຫຼື R001 ມາປະຈຳການຢູ່ສີ່ແຍກໃນເສັ້ນທາງທີ່ມີການຈະລາຈອນໜາແໜ້ນ ເພື່ອຄວບຄຸມການຈະລາຈອນ ແລະ ເຕືອນຜູ້ໃຊ້ຖະໜົນທີ່ຝ່າຝືນກົດ ເຊິ່ງໄດ້ປະຕິບັດໜ້າທີ່ແທນເຈົ້າໜ້າທີ່ ທີ່ເປັນຄົນແທ້ໆ.
ຫຸ່ນຍົນດັ່ງກ່າວໃຊ້ເທັກໂນໂລຊີ AI ເຊື່ອມຕໍ່ກັບລະບົບໄຟຈະລາຈອນ ໂດຍມີການຕິດຕັ້ງກ້ອງຄວາມລະອຽດສູງ ພ້ອມກັບລະບົບປະກາດສຽງອັດສະລິຍະ ສາມາດກວດຈັບການຝ່າຝືນຂອງຜູ້ຂີ່ລົດ-ຈັກຖີບ, ຜູ້ໃຊ້ຍານພາຫະນະທີ່ບໍ່ໃຊ້ເຄື່ອງຈັກ ແລະ ຄົນຍ່າງໄດ້. ພ້ອມສາມາດແຈ້ງເຕືອນຈຸດເກີດເຫດໃຫ້ແກ່ເຈົ້າໜ້າທີ່ທັນທີ່ ຖ້າພົບການກະທຳທີ່ຜິດ.
ນອກຈາກເຄື່ອນທີ່ໄດ້ເອງແລ້ວ ຫຸ່ນຍົນໂຣໂບຍັງສາມາດ ສາມາດກວດຈັບການຈອດລົດຜິດກົດລະບຽບ, ຕິດຕາມສະພາບການຈະລາຈອນ ແລະ ເຮັດວຽກໄດ້ 24 ຊົ່ວໂມງ. ຊ່ວຍຫຼຸດພາລະຂອງທາງເຈົ້າໜ້າທີ່ຈາລະຈອນໄດ້ ໂດຍສະເພາະໃນຊ່ວງເວລາຮີບດ່ວນ ຫຼື ໃນມື້ທີ່ມີອາກາດບໍ່ດີ.
ການນຳຫຸ່ນຍົນຈາລະຈອນມາໃຊ້ ເປັນສ່ວນໜຶ່ງຂອງຍຸດທະສາດຈີນໃນການຊຸກຍູ້ ປັນຍາປະດິດ (Embodied Intelligence) ໃຫ້ເກີດການນຳໃຊ້ໄດ້ແທ້ ໂດຍຄາດວ່າມູນຄ່າຕະຫຼາດຂອງອຸດສາຫະກຳນີ້ໃນຈີນ ຈະສູງເຖິງ 400,000 ລ້ານຢວນ ໃນປີ 2030 ແລະ ຈະທະລຸ 1 ລ້ານລ້ານຢວນ ໃນປີ 2035.
ປັດຈຸບັນຫຸ່ນຍົນດັ່ງກ່າວໃຊ້ຖືກນໍາໄປໃຊ້ງານແລ້ວກວ່າ 100 ຮູບແບບ ຕັ້ງແຕ່ການເປັນພະນັກງງານຕ້ອນຮັບ, ການຮັກສາຄວາມປອດໄພ ແລະ ການບໍລິການທາງສາທາງລະນັ້ນ ຊີ້ໃຫ້ເຫັນເຖິງອິດທິພົນ ແລະ ການມີບົດບາດຂອງປັນຍາປະດິດ ໃນການດຳລົງຊີວິດຂອງຄົນ ໃນຍຸກດິຈີຕອນ
ແຫຼ່ງຂໍ້ມູນ: TNN