ສຳນັກຂ່າວຕ່າງປະເທດລາຍງານວ່າ ເມື່ອບໍ່ດົນມານີ້ ທ່ານ ໂດນັລ ທຣຳ ປະທານາທິບໍດີ ແຫ່ງ ສະຫະລັດ ອາເມລິກາ, ປະກາດລະງັບການພິຈາລະນາວີຊາຜູ້ອົບພະຍົບ (Immigrant Visa) ສໍາລັບປະຊາຊົນຈາກ 75 ປະເທດ ເຊັ່ນ: ໄທ, ຣັສເຊຍ, ອັບການິສະຖານ, ບຣາຊິວ ແລະ ປະເທດອື່ນໆ.
ມີຜົນເລີ່ມແຕ່ ວັນທີ 21 ມັງກອນ 2026 ເປັນຕົ້ນໄປ ແລະ ຈະດໍາເນີນໄປຕໍ່ແບບບໍ່ມີກໍານົດ ຈົນກວ່າທາງກະຊວງຈະມີການປະເມີນຂະບວນການພິຈາລະນາອອກວີຊ່າຮອບໃໝ່.
ໂດຍວີຊາທີ່ຖືກລະງັບນີ້ແມ່ນ ວີຊາສຳລັບຄົນທີ່ຕ້ອງການຍ້າຍໄປຢູ່ຖາວອນ ເຊັ່ນ: ວິຊາຂໍແຕ່ງງານ ຫຼື ວີຊາເຮັດວຽກຖາວອນ ແລະ ວີຊາທີ່ຈະນໍາໄປສູ່ການໄດ້ເປັນພົນລະເມືອງຂອງອາເມລິກາ (Green Card).
ສ່ວນວີຊາທີ່ມີຂໍ້ຍົກເວັ້ນແມ່ນ ວິຊາທ່ອງທ່ຽວ, ວີຊາເຮັດວຽກຊົ່ວຄາວ, ວີຊານັກຮຽນ, ວີຊານັກກິລາ ແລະ ວີຊາທຸລະກິດ
ທາງກະຊວງການຕ່າງປະເທດຂອງອາເມລິກາໄດ້ກ່າວ່າ ຜູ້ອົບພະຍົບຈາກປະເທດທີ່ມີລາຍຊື່ນີ້ມີອັດຕາການໃຊ້ສະຫວັດດີການຂອງລັດຖະບານທີ່ສູງເກີນໄປ ດັ່ງນັ້ນທາງລັດຖະບານຕ້ອງໄດ້ປ້ອງກັນບໍ່ໃຫ້ຜູ້ອົບພະຍົບກາຍເປັນພາລະຂອງຜູ້ເສຍພາສີອາເມລິກາ ຫຼື ພາລະຂອງລັດ.
ແຫຼ່ງຂໍ້ມູນ: Thairath