ອີງຕາມແຈ້ງການຂອງຄະນະກຳມະການປົກຄອງເມືອງໄຊຍະບູລີ ເລກທີ 01/ຄປມ.ຊຍ ລົງເມື່ອວັນທີ 2 ມັງກອນ 2026 ກ່ຽວກັບ ໃຫ້ປິດບໍລິການຊົ່ວຄາວ ຮ້ານກິນດື່ມບັນເທີງ-ຄາລາໂອເກະ ໄລຍະດໍາເນີນກອງປະຊຸມໃຫຍ່ ຜູ້ແທນທົ່ວປະເທດ ວັນທີ 5-9 ມັງກອນ 2026 ໂດຍຈັດຕັ້ງໃຫ້ປະຕິບັດດັ່ງນີ້:
- ໃຫ້ປິດການບໍລິການໃນໄລຍະການດໍາເນີນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ ເລີ່ມແຕ່ວັນທີ 5-9 ມັງກອນ 2026 ເປັນເວລາ 5 ວັນ.
- ມອບໃຫ້ ກອງບັນຊາການ ປກສ ເມືອງ ນໍາພາ-ຊີ້ນໍາ ປກສ ກຸ່ມບ້ານ, ຂະແໜງການທີ່ກ່ຽວຂ້ອງໂດຍສະເພາະ ຫ້ອງການວັດທະນະທໍາ ແລະ ການທ່ອງທ່ຽວເມືອງ, ຄະນະຮັບຜິດຊອບທີ່ໄດ້ຮັບການແຕ່ງຕັ້ງ ເປັນຜູ້ຕິດຕາມ, ກວດກາ ແລະ ການຈັດຕັ້ງປະຕິບັດຕາມແຈ້ງການສະບັບນີ້ຢ່າງເຂັ້ມງວດ.
- ຖ້າຫາກມີການຝ່າຝືນບໍ່ປະຕິບັດຕາມແຈ້ງການ ແມ່ນມອບໃຫ້ຄະນະຮັບຜິດຊອບວຽກງານດັ່ງກ່າວ ແລະ ຂະແໜງການຕ່າງໆ ທີ່ກ່ຽວຂ້ອງປະຕິບັດຕາມລະບຽບກົດໝາຍຢ່າງເຂັ້ມງວດ.