ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ.
ຜ່ານມາຊາຍຄົນນີ້ຫຼົງໄຫຼໃນລາຍການ Ripley’s Believe It or Not ເຊິ່ງເຮັດໃຫ້ເລີ່ມສົນໃຈກ່ຽວກັບໜັງສືການຈັດອັນດັບ ແລະ ເປັນແຮງບັນດານໃຈຢາກໃຫ້ຕົນເອງມີລາຍຊື່ຢູ່ໃນໜັງສືການດັ່ງກ່າວ,ແຕ່ເນື່ອງຈາກຕົນເອງເປັນຄົນທຳມະດາທີ່ບໍ່ໄດ້ມີຈຸດພິເສດທີ່ແຕກຕ່າງຈາກຄົນອື່ນ ຈຶ່ງໄດ້ຈັດຕິດໃຈສ້າງສະຖິທິດ້ວຍການຕັ້ງຊື່ທີ່ຍາວທີ່ສຸດໃນໂລກໃຫ້ຕົນເອງ.
ໃນການຄົ້ນຄິດຊື່ແມ່ນໃຊ້ເວລາປະມານ 1 ເດືອນ ແລະ ລົງທຶນຈ່າຍເງິນໃຫ້ພະນັກງານເພື່ອພິມຊື່ໃນລາຄາ 400 ໂດລານິວຊີແລນ ຫຼື ປະມານ 5,000,000 ກີບ, ເຊິ່ງແຫຼ່ງທີ່ມາຂອງຊື່ແມ່ນມາຈາກຫຼາຍພາກສາໃນທົ່ວໂລກ ລວມແລ້ວປະມານ 2,000 ຄໍາ ຄົບຕັ້ງແຕ່ A-Z.
ມາຮອດປີ 1990, ລໍເລນ ວອດກິນ ໄດ້ຍື່ນເອກະສານຮຽກຮ້ອງຕໍ່ສານໃນການປ່ຽນຊື່ທີ່ມີຄວາມຍາວ 6 ໜ້າເຈ້ຍ.ໃນປີ 1991 ລາວໄດ້ຈັດງານແຕ່ງດອງ ເຊິ່ງພິທີກອນຈໍາເປັນຕ້ອງໄດ້ບັນທຶກສຽງລາວໄວ້ລ່ວງໜ້າ ເຊິ່ງໃຊ້ເວລາເກືອບ 20 ນາທີ່ໃນການອ່ານຊື່ ແລະ ທ້າຍສຸດ ໃນປີ 1992 ລາວໄດ້ຖືກຮັບຮອງເປັນບຸກຄົນທີ່ມີຊື່ທີ່ຍາວທີ່ສຸດໃນໂລກ ດ້ວຍຈໍານວນຊື່ 2,310 ຄໍາ ແຕ່ໃນຊ່ວງເວລາຕໍ່ມາກໍ່ໄດ້ມີການນັບຊື່ ແລະ ຈັດປະເພດໃໝ່ ເຮັດໃຫ້ຊື່ຂອງລາວເຫຼືອພຽງ 2,253 ຄໍາ.
ພາຍຫຼັງເຫດການນີ້ ທາງລັດຖະບານຂອງປະເທດນິວຊີເເລນຈຶ່ງໄດ້ອອກມາດຕະການຈໍາກັດຊື່ບໍ່ໃຫ້ເກີນ 70 ຕົວອັກສອນຕໍ່ຄົນ ແລະ ເຮັດໃຫ້ບໍ່ມີໃຜ ສາມາດທຳລາຍສະຖິຕິຂອງຊາຍຄົນນີ້ໄດ້.
ແຫຼ່ງຂໍ້ມູນ: PPTV