ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ AI ວິເຄາະ ແລະ ສຸ່ມໂຕເລກ ສຳລັບການອອກເລກລາງວັນ ໃນຄັ້ງວັນທີ 6 ກັນຍາ 2025 ທີ່ຜ່ານມາ. ໂດຍໝາຍເລກທີ່ໄດ້ຮັບແມ່ນ 11-23-44-61-62 ແລະ Powerball 17 ຈົນໄດ້ຮັບເງິນລາງວັນທັງໝົດມູນຄ່າ 100,000 ໂດລາ ຫຼື ປະມານ 2.1 ຕື້ກີບ.
ຊາຍຄົນນີ້ມັກຈະຊື້ຫວຍ ສະເພາະຕອນທີ່ຍອດເງິນລາງວັນສະສົມລວມ 1 ພັນລ້ານໂດລ້າ ແລະ ຮູ້ສຶກຕົກໃຈ ເມື່ອຮູ້ວ່າຕົນເອງຖືກລາງວັນໃຫຍ່. ພ້ອມກ່າວອີກວ່າ: ໄດ້ວາງແຜນ ນຳເອົາເງິນລາງວັນບາງສ່ວນ ໄປຊຳລະໜີ້ບ່ອນຢູ່ອາໄສ ແລະ ເກັບເປັນເງິນໄວ້ໃນຍາມສຸກເສີນ.
ເຫດການດັ່ງກ່າວ, ໄດ້ສ້າງຄວາມສົນໃຈໃຫ້ແກ່ຄົນໃນສັງຄົມ ເລື່ອງຄວາມສາມາດຂອງ AI ໃນການວິເຄາະ ແລະ ທຳນາຍໂຕເລກຫວຍ ວ່າມີຄວາມຖືກຕ້ອງໜ້ອຍຫຼາຍປານໃດ. ເນື່ອງຈາກເຫດການແບບນີ້ເຄີຍເກີດເກີດຂຶ້ນມາເເລ້ວເທື່ອ 1 ຈາກການໃຊ້ Chat GPT ວິເຄາະຕົວເລກ ຈົນສາມາດຖືກລາງວັນ 150,000 ໂດລ້າ ຫຼື ປະມານ 3 ຕື້ກີບ
ທີ່ມາ: Fox2 Detroit, Vnexpress