ໃນວັນທີ 24/09/2025 ທີ່ຜ່ານມາ, ທາງເຈົ້າໜ້າທີ່ໄຕ້ຫວັນຍັງຄົງດຳເນີນການຄົ້ນຫາຄົນສູນຫາຍ ເນື່ອງຈາກອິດທິພົນຂອງພາຍຸ ຣາກາຊາ ເຮັດໃຫ້ເຂື່ອນທີ່ມີອາຍຸຫຼາຍປີແຕກ ສົ່ງຜົນໃຫ້ນໍ້າໄຫຼຖ້ວມກະທັນຫັນຢູ່ຫຼາຍພື້ນທີ່ໃນໄຕ້ຫວັນ ບ້ານເມືອງເຕັມໄປດ້ວຍຂີ້ຕົມ, ຕົ້ນໄມ້ຫັກຫຼາຍຕົ້ນ, ຮ້ານຄ້າຖືກທຳລາຍ, ໄຟຟ້າບໍ່ສາມາດໃຊ້ງານໄດ້, ຂ່າວເສົ້າກໍຄືມີຜູ້ເສຍຊີວິດ 14 ຄົນ, ບາດເຈັບ 46 ຄົນ ແລະ ສູນຫາຍອີກຈຳນວນໜຶ່ງ. ປັດຈຸບັນ ປະຊາຊົນບາງສ່ວນຍັງຕ້ອງພັກອາໄສຢູ່ທີ່ສູນພັກອາໄສຊົ່ວຄາວ ແລະ ທາງນາຍົກລັດຖະມົນຕີຂອງໄຕ້ຫວັນ ກໍາລັງເລັ່ງສືບສວນທາງພາກສ່ວນທີ່ກ່ຽວຂ້ອງເນື່ອງຈາກບໍ່ມີຄຳສັ່ງໃຫ້ປະຊາຊົນອົບພະຍົບອອກຈາກພື້ນທີ່ດັ່ງກ່າວກ່ອນທີ່ເຂື່ອນຈະແຕກ.

ຈາກຜົນກະທົບຂອງພາຍຸ ຣາກາຊາ ເຮັດໃຫ້ຮອງກົງພົບກັບຄື້ນທະເລທີ່ພັດເຂົ້າທຳລາຍເຮືອນຊານ ແລະ ໂຮງແຮມທີ່ໃກ້ແຄມຝັ່ງ ເຮັດໃຫ້ຕົ້ນໄມ້ລົ້ມຫັກກວ່າ 700 ຕົ້ນ, ນໍ້າຖ້ວມ 22 ເຂດ, ດິນຊຸ 4 ຈຸດ, ມີຜູ້ບາດເຈັບ 90 ຄົນ ແລະ ມີການອົບພະຍົບປະຊາຊົນກວ່າ 860 ຄົນ ໄປຍັງສູນພັກອາໄສຊົ່ວຄາວ ປັດຈຸບັນແມ່ນພາຍຸດັ່ງກ່າວໄດ້ອ່ອນໂຕລົງແລ້ວ ສະຖານທີ່ຕ່າງໆ ລວມໄປເຖິງສະໜາມບິນສາມາດເປີດບໍລິການໄດ້ແລ້ວ.

ແຫຼ່ງຂໍ້ມູນ: Thairath