ລາຍງານຈາກສຳນັກຂ່າວປະເທດຝຣັ່ງ ໃຫ້ຮູ້ວ່າ ມີເດັກຊາຍຊື່ວ່າ ລູຄັສ ເຈເມວຈິໂນວາ ໄດ້ເຂົ້າໄປກວດຮ່າງກາຍທີ່ໂຮງໝໍແຫ່ງໜຶ່ງໃນປະເທດຝຣັ່ງ ຜົນປະກົດວ່າ ເປັນໂຣກກິໂອມາ (ມະເຮັງໃນສະໝອງ) ເຊິ່ງເລີ່ມກວດພົບໂຣກນີ້ຕັ້ງແຕ່ມີອາຍຸ 6 ປີ, ເຊິ່ງທ່ານໝໍໄດ້ວິເຄາະວ່າ 90% ຂອງເດັກນ້ອຍທີ່ມີພາວະເນື້ອງອກໃນຊະນິດນີ້ຈະມີຊີວິດຢູ່ໄດ້ບໍ່ເກີນ 2 ປີ.
ຫຼັງຈາກທີ່ໄດ້ຮູ້ການວິເຄາະຂອງແພດ, ຜູ້ປົກຄອງຈຶ່ງໄດ້ຕັດສິນໃຈໃຫ້ເດັກເຂົ້າຮັບຢາ Enverolimus ເປັນຢາທີ່ຊ່ວຍໃນການຢຸດການເຕີບໂຕຂອງເຊື້ອມະເຮັງ ທີ່ກຳລັງຢູ່ໃນຂັ້ນທົດລອງໃນການຮັກສາ ໃນກໍລະນີພິເສດ. ຜ່ານການຮັກສາປິ່ນປົວ ແລະ ເຂົ້າຮັບຢາຢ່າງຕໍ່ເນື່ອງ ໃນການຮັກສາຖືວ່າໄດ້ຮັບຜົນດີມາຕະຫຼອດ ເປັນເວລາກວ່າ 8 ປີ. ມາຮອດປີ 2025 ເນື້ອງອກໃນສະໝອງກໍຄ່ອຍໆສະຫຼາຍໄປຈົນໝົດ ແລະ ຖືວ່າເປັນຂ່າວດີໃຫ້ແກ່ຜູ້ປົກຄອງ ແລະ ແພດປະຈໍາ.
ຕອນນີ້, ລູຄັສ ໄດ້ມີອາຍຸ 13 ປີິ, ສາມາດເວົ້າວ່າເປັນເດັກນ້ອຍຄົນທຳອິດທີ່ຫາຍຂາດຈາກໂຮກມະເຮັງໃນສະໝອງໄລຍະສຸດທ້າຍ ໃນກໍລະນີນີ້ ສ້າງຄວາມຫວັງ ແລະ ແນວທາງໃນການພັດທະນາທາງດ້ານການຮັກສາ ແລະ ຕໍ່ຕ້ານມະເຮັງໃຫ້ຫາຍຂາດ ເປັນຈຸດປ່ຽນແປງໃນວົງການແພດສຳລັບການຮັກສາມະເຮັງເລີຍກໍວ່າໄດ້.
ແຫຼ່ງຂໍ້ມູນ: medscriptum