ຈາກກະແສໃນໂລກອອນລາຍກ່ຽວກັບການຂາຍລູກອັນທະ ລາຄາຂ້າງລະ 175.000 ໂດລາ ຫຼື ປະມານ 3,6 ຕື້ກີບ. ເຮັດຫຼາຍຄົນແຕກຕື່ນ ໂດຍສະເພາະທ່ານຊາຍ ແລະ ມີຄວາມສົນໃຈກ່ຽວກັບກະແສດັ່ງກ່າວ ເພື່ອຢາກຮູ້ວ່າສາມາດຂາຍໄດ້ແທ້ບໍ, ລາຄາສູງເເທ້ບໍ່ ແລະ ຖ້າຕັດອອກແລ້ວຈະເອົາໄປເຮັດຫຍັງ?
ແພດຜູ້ຊ່ຽວຊານດ້ານລະບົບທາງເດີນປັດສະວະ ແລະ ລະບົບສືບພັນເພດຊາຍ ຈາກປະເທດໄທ ໄດ້ອອກມາໃຫ້ຄໍາຕອບວ່າ ການຊື້ຂາຍລູກອັນທະມີຢູ່ແທ້ ເຊິ່ງສ່ວນຫຼາຍທີ່ຊື້ໄປຈະເນັ້ນໄປທາງການວິໄຈຫຼາຍກວ່າ #ຍັງບໍ່ມີກໍລະນີທີ່ຊື້ລູກອັນທະເພື່ອທົດແທນ ຫຼື ຮັກສາໃຫ້ກັບຄົນອື່ນ. ຖ້າຫາກຂາຍລູກອັນທະພຽງຂ້າງ 1 ຈະບໍ່ມີຜົນກະທັບຫຍັງຫຼາຍຕໍ່ຮ່າງກາຍ ແຕ່ຖ້າຫາກຕ້ອງການຂາຍ 2 ຂ້າງ ກໍຈະຕ້ອງຍອມຮັບກັບການເປັນໝັນຖາວອນ ສ່ວນເລື່ອງລາຄາໃນການຊື້-ຂາຍ ເເມ່ນຍັງບໍ່ໄດ້ມີລາຄາທີ່ລະບຸໄວ້ຊັດເຈນ ທັງນີ້ກໍຂຶ້ນກັບການຈັດສັນງົບປະມານໃນການຊື້ຂອງແຕ່ລະສະຖາບັນ.
ບໍ່ແມ່ນເລື່ອງງ່າຍໃນການດຳເນີນແຕ່ຂັ້ນຕອນ ເນື່ອງຈາກຕ້ອງແມ່ນແພດຜູ້ຊ່ຽວຊານສະເພາະທາງ ຈາກໂຮງໝໍ ຫຼື ສະຖາບັນທີ່ໄດ້ຮັບອະນຸຍາດໃນດ້ານນີ້ເທົ່ານັ້ນ. ເຊິ່ງຢູ່ປະເທດໄທແມ່ນຍັງບໍ່ມີການຊື້ຂາຍອັນທະເທືຶ່ອ.
ທ່ານໝໍບອກຕື່ມວ່າ ການທີ່ເຮົາມີສຸຂະພາບທີ່ດີ ແລະ ຮ່າງກາຍຄົບ 32 ຢ່າງ ແມ່ນດີທີ່ສຸດແລ້ວ.
ແຫຼ່ງຂໍ້ມູນ: Spring News