ຈາກສະຖານະການຄວາມຮຸງແຮງ ຂອງການປະທ້ວງທີ່ເກີດຂຶ້ນທີ່ປະເທດເນປານ ໃນວັນທີ 09 ກັນຍາ 2025 ທີ່ຜ່ານມາ
ສົ່ງຜົນໃຫ້ນັກກິລາບານສົ່ງຍິງຈາກປະເທດໄປ ຈຳນວນ 5 ຄົນ, ທີ່ເດີນທາງໄປແຂ່ງຂັນກິລາບານສົ່ງທີ່ປະເທດເນປານ ລະຫວ່າງ ວັນທີ 05-13 ກັນຍາ 2025 ໄດ້ຮັບຜົນກະທົບ, ເພາະຜູ້ປະທ້ວງໄດ້ຈູດໄຟເຜົາສະຖານທີ່ຕ່າງໆ ເຮັດໃຫ້ສະຖານະການມີຄວາມອັນຕະລາຍໃນລະດັບຮ້າຍແຮງ. ທາງນັກກິລາສາມາດອາໄສຢູ່ໄດ້ແຕ່ໃນໂຮງແຮມເທົ່ານັ້ນ ແລະ ເນື່ອງຈາກມີການປະທ້ວງຮຸນແຮງ ທາງສະໜາມບິນກໍໄດ້ປິດບໍລິການລົງ ເຮັດໃຫ້ນັກກິລາບໍ່ສາມາດເດີນທາງກັບປະເທດໄທໄດ້.
ມາຮອດ ວັນທີ 10 ກັນຍາ 2025 ນັກກິລາບານສົ່ງຍິງ ໄດ້ອອກມາລາຍງານສະຖານະການວ່າ ຕອນນີ້ຢູ່ໃນຄວາມປອດໄພແລ້ວ ທາງເຈົ້າໜ້າທີ່ສາມາດເຂົ້າຄວບຄຸມເຫດການປະທ້ວງຮຸນແຮງໃນປະເທດເນປານໄດ້ແລ້ວ ແລະ ຄາດວ່າຈະສາມາດເດີນທາງກັບປະເທດໄທໃນໄວໆນີ້ ການແຂ່ງຂັນບານສົ່ງຈໍາເປັນໄດ້ໂຈະລົງກ່ອນ ແລະ ຖ້າສະຖານະການກັບມາເປັນປົກກະຕິຕອນໃດ ທາງປະເທດໄທຈຶ່ງຈະສົ່ງຕົວແທນນັກກິລາກັບມາແຂ່ງຂັນຕໍ່.
ແຫຼ່ງຂໍ້ມູນ: thairath