ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ.
ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ.
ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ ໂດຍມີຄວາມສ່ຽງເພີ່ມຂຶ້ນເຖິງ 46%, ຄວາມສ່ຽງເກີດຂຶ້ນຈາກ ຕອນທີ່ນັ່ງຊັກໂຄກ ຈະມີການບີບອັດບໍລິເວນທະວານໜັກຫຼາຍຂຶ້ນ ກົ້ນຈະຢູ່ຕໍາເເໜ່ງທີ່ຕໍ່າກວ່າປົກກະຕິ ຫາກນັ່ງໃນທ່ານີ້ດົນໆ ແຮງດັນທີ່ເພີ່ມຂຶ້ນຈາກການນັ່ງໂຖສ້ວມ.ອາດຈະເຮັດໃຫ້ເລືອດຄ້າງບໍລິເວນທະວານໜັກ ເຊິ່ງແພດແນະນໍາໃຫ້ໃຊ້ເວລາໃນການຖ່າຍໜັກປະມານ 3-5 ນາທີ ດົນສຸດບໍ່ເກີນ 10 ນາທີ ເພື່ອບໍ່ໃຫ້ມີຄວາມສ່ຽງເປັນລິດສີດວງທະວານໜັກ.
ດັ່ງນັ້ນ, ຖ້າໃຜຍັງປະຕິບັດຢູ່ແມ່ນໃຫ້ປັບປ່ຽນພຶດຕິກຳ ເພື່ອຫຼຸດຜ່ອນຄວາມສ່ຽງທີ່ຈະເປັນໂຣກດສີດວງທະວານໜັກ.
ແຫຼ່ງຂໍ້ມູນ: TNN