ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ.

ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ ອາຊິດ ເຊິ່ງຈະຊ່ວຍທຳລາຍ ແລະ ຢຸດການຂະຫຍາຍໂຕຂອງພະຍາດບາງຊະນິດ ແຕ່ກໍຍັງບໍ່ພຽງພໍຕໍ່ການຂ້າເຊື້ອພະຍາດໄດ້, ຖ້າເຮົາກິນໂດຍບໍ່ຜ່ານການປຸງສຸກກໍອາດຈະເກີດຄວາມອັນຕະລາຍດັ່ງນີ້:

– ພະຍາດໃບໄມ້ໃນຕັບ ແລະ ຂີ້ກະຕືກ- ເຊືອແບັດທີເຣຍເຊັ່ນ: ຊາໂມເນລາ, ລິດທີເຣຍ, ອີໂຄລາຍ ທີ່ເຮັດໃຫ້ເກີດອາການເຈັບທ້ອງຮຸນແຮງ

– ອາຫານເປັນພິດ

– ອັນຕະລາຍຮ້າຍແຮງສຳລັບຄົນຖືພາ ອາດຈະເຮັດໃຫ້ລູກເປັນພິການຈາກການຕິດເຊື້ອລິທີເຣຍ

ດັ່ງນັ້ນ, ເຮົາຄວນນຳໄປປີ້ງ ຫຼື ທອດ ເຮັດໃຫ້ສຸກກ່ອນທຸກຄັ້ງ,າ ແຕ່ຖ້າໃຜມັກລົດຊາດຂອງການກິນດິບ ກໍຄວນເລືອກຊື້ສົ້ມໝູທີ່ມີຄຸນນະພາບດີ(ມີ ອຢ) ແລະ ໄດ້ຜ່ານການສາຍລັງສີຂ້າເຊື້ອ  ໂດຍຜ່ານການຮັບຮອງຈາກອົງການອະນາໄມໂລກ ຖ້າວ່າເປັນສົ້ມໝູທີ່ຊື້ທົ່ວໄປກໍຄວນຜ່ານການປຸງສຸງຈະດີກວ່າ.

ແຫຼ່ງຂໍ້ມູນ: ດຣ ນາງ. ສຸພິດຊາ pixxieclinic