ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ
ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ ແລະ ມີເລືອດປະປົນອອກ ໂດຍມີອາການລັກສະນີ້ມາເປັນເວລາຫຼາຍເດືອນ.
ພາຍຫຼັງໄປກວດຢູ່ໂຮງໝໍຈຶ່ງພົບວ່າ ເດັກນ້ອຍຄົນນີ້ມີໜອງໃນຊ່ອງຂອງເຫຍື່ອຫຸ້ມປອດ ເຮັດໃຫ້ປອດເບື້ອງຊ້າຍແວບລົງ ແລະ ຍັງກວດເຫັນໄຂ່ພະຍາດ (Paragonimus) ທີ່ຢູ່ໃນປອດ ເຊິ່ງເກີດຈາກການບໍລິໂພກຂອງກິນທີ່ສົດໂດຍບໍ່ໄດ້ຜ່ານການປຸງສຸກ.ທາງແພດໄດ້ຮັກສາໂດຍການໃຫ້ຢາຂ້າພະຍາດ ແລະ ຜ່າຕັດເພື່ອລອກເຫຍື່ອຫຸ້ມປອດອອກ.
ເຖິງວ່າໃນປັດຈຸບັນພະຍາດນີ້່ຈະຫຼຸດລົງຫຼາຍຈາກແຕ່ກ່ອນ ແຕ່ກໍຍັງສາມາດພົບໄດ້ໃນເດັກນ້ອຍ ຈົນເຖິງໄວກາງຄົນ.ໂດຍສະເພາະຜູ້ທີ່ມີປະຫວັດການກິນກຸ້ງ ຫຼື ປູນໍ້າຈືດດິບ. ສະນັ້ນ, ເຮົາຄວນກິນອາຫານທີ່ປຸງສຸກ ເພາະຄວາມຮ້ອນຈະສາມາດຂ້າພະຍາດໄດ້ໃນລະດັບໜຶ່ງ ແຕ່ສິ່ງສຳຄັນຄືຄວນບໍລິໂພກໃຫ້ຖືກຫຼັກອະນາໄມ ເພື່ອສຸຂະພາບທີ່ດີ.
ແຫຼ່ງຂໍ້ມູນ: Parasite stories