ສຸດເດືອດ! ເຈົ້າໜ້າທີ່ຕຳຫຼວດຍິງກະສຸນຍາງໃສ່ນັກຂ່າວ ຂະນະລາຍງານຂ່າວສົດ ເຫດການປະທ້ວງໃນນະຄອນລອສແອນເຈີລິສ
ໃນວັນທີ 8 ມິຖຸນາ 2025 ຜ່ານມາ, ສຳນັກຂ່າວຕ່າງປະເທດລາຍງານວ່າ: ນາງ ລໍເຣນ ໂທມາຊີ ນັກຂ່າວຊາວອົດສະຕຣາລີ ຊ່ອງ(9NEWS) ຖືກກະສຸນຍາງຍິງໃສ່ ໃນຂະນະກຳລັງລາຍງານຂ່າວສົດການປະທ້ວງ ທີ່ນະຄອນລອສແອນເຈີລິສ ສະຫະລັດອາເມລິກາ ໂດຍມີການຖ່າຍທອດສົດຂະນະຖືກຍິງອີກດ້ວຍ.
ສະຖານະການໃນນະຄອນລອສແອນເຈີລິສ ໄດ້ທະວີເພີ່ມຄວາມຮຸນແຮງຂຶ້ນເລື້ອຍໆ ຫຼັງຈາກປະຊາຊົນພາກັນອອກມາຕັ້ງຂະບວນປະທ້ວງຕໍ່ຕ້ານນະໂຍບາຍປາບປາມຜູ້ອົບພະຍົບຂອງປະທານາທິບໍດີ ໂດນັລ ທຣຳ ແຫ່ງສະຫະລັດ ແລະ ປະທານາທິບໍດີ ທຣຳ ໄດ້ສົ່ງທະຫານຂອງລັດຖະບານກາງເຂົ້າຄວບຄຸມສະຖານະການ ຈົນເຮັດໃຫ້ເຫດການເລີ່ມທະວີຄວາມຮຸນແຮງຂຶ້ນ ເມື່ອ ໂດນັລ ທຣຳ ໄດ້ສົ່ງກອງກຳລັງພິທັກຊາດ 2,000 ຄົນເຂົ້າຄວບຄຸມສະຖານະການ.
ຕາມການລາຍງານລະບຸວ່າ: ລໍເຣນ ກຳລັງລາຍງານຂ່າວຕໍໜ້າກ້ອງທີ່ມີການຖ່າຍທອດສົດ ແລະ ໄດ້ຖືກກະສຸນຍາງຍິງໃສ່ບໍລິເວນຂາ ແຕ່ໂຊກດີທີ່ບໍ່ໄດ້ຮັບບາດເຈັບຫຼາຍ ທາງດ້ານຊ່ອງ 9NEWS ໄດ້ອອກຖະແຫຼງການເມື່ອວັນທີ 9 ມິຖຸນາ ລະວ່າ: ລຳເຣນ ແລະ ຊ່າງພາບ ທີ່ຖືກຍິງປອດໄພແລ້ວ ແລະພ້ອມຈະລາຍງານຂ່າວນີ້ຕໍ່ໄປ ເຊິ່ງ ລໍເຣນ ໄດ້ກ່າວວ່າ: ເຫດການດັ່ງກ່າວເປັນການເຕືອນໃຈຢ່າງຊັດເຈນເຖິງຄວາມອັນຕະລາຍທີ່ນັກຂ່າວປະເຊີນໃນຂະນະທີ່ລາຍງານຈາກແຖວຫນ້າຂອງການປະທ້ວງ ແລະ ເນັ້ນຫນັກເຖິງຄວາມສໍາຄັນຂອງບົດບາດຂອງພວກເຂົາໃນການສະຫນອງຂໍ້ມູນທີ່ສໍາຄັນ.
ແຫຼ່ງຂ່າວຈາກ: ມະຕິຊົນ ປະເທດໄທ