ສປປ ລາວ ສະແດງຄວາມຍິນດີເປັນຢ່າງຍິ່ງ ຕໍ່ຄຳຖະແຫຼງຂອງປະທານາທິບໍດີ ຣາອູນ ກັສໂຕຣ ແຫ່ງກູບາ ແລະ
ປະທານາທິບໍດີອາເມລິກາ ບາຣັກ ໂອບາມາ ທີ່ຈະຟື້ນຟູຄືນສາຍພົວພັນທາງການທູດ ໃຫ້ເປັນປົກກະຕິຢ່າງເຕັມ
ສ່ວນ ອັນຈະນຳເອົາຜົນປະໂຫຍດຮ່ວມກັນ ມາສູ່ປະຊາຊົນຂອງທັງສອງປະເທດ ກໍ່ຄືເປັນການປະກອບສ່ວນໃຫ້
ແກ່ພາລະກິດສັນຕິພາບ, ສະຖຽນລະພາບ ແລະ ການຮ່ວມມືກັນຢູ່ໃນພາກພື້ນ ແລະ ໃນໂລກ.
ສປປ ລາວ ຖືວ່າຄຳຖະແຫຼງດັ່ງກ່າວ ເປັນບາດກ້າວຂອງການປ່ຽນແປງທີ່ສຳຄັນ ທີ່ມີລັກສະນະປະຫວັດສາດ ເພື່ອ
ກ້າວສູ່ການຍົກເລີກການປິດລ້ອມທາງດ້ານເສດຖະກິດຕໍ່ກູບາ ທີ່ໄດ້ດຳເນີນມາກວ່າ 50 ປີ ເຊິ່ງສອດຄ່ອງກັບຍັດ
ຕິທີ່ກ່ຽວຂ້ອງຂອງສະຫະປະຊາຊາດ ທີ່ໄດ້ຖືກຮັບຮອງເອົາ ໂດຍກອງປະຊຸມສະມັດຊາໃຫຍ່ໃນແຕ່ລະປີທີ່ ສປປ ລາວ
ກໍ່ໄດ້ໃຫ້ການສະໜັບສະໜູນຢ່າງສະເໝີຕົ້ນສະເໝີປາຍຕະຫຼອດມາ.
ແຫລ່ງຂ່າວ: ວຽງຈັນໃໝ່