ໄພສັງຄົມ! ຈັບແທັກຊີ້ຫື່ນໃນຍີ່ປຸ່ນ ມອມຢາ ແລະ ຖ່າຍຄິບອານາຈານເກັບໄວ້ເບິ່ງ ຄາດວ່າມີຜູ້ໂດຍສານຍິງຖືກຂົ່ມຂືນກວ່າ 50 ຄົນ.
ສຳນັກຂ່າວຕ່າງປະເທດລາຍງານໃນວັນທີ 22 ພຶດສະພາ 2025 ເຈົ້າໜ້າທີ່ຕໍາຫຼວດປະເທດຍີ່ປຸ່ນໄດ້ໃຫ້ຖະແຫຼງການວ່າ ສາມາດຈັບຊາຍຜູ້ຖືກຫາໃນຄະດີຂົ່ມຂືນ ຊື່ວ່າ: ທ້າວ ຊາໂຕຊິ ທານາກະ ອາຍຸ 54 ປີ, ອະດີດຄົນຂັບລົດແທັກຊີ ໂດຍຕົກເປັນຜູ້ຖືກຫາ ຂົ່ມຂືນຜູ້ໂດຍສານຍິງທີ່ອາຍຸຕໍ່າກວ່າ 20 ປິີ, ເຫດການດັ່ງກ່າວເກີດຂຶ້ນໃນຊ່ວງເດືອນກໍລະກົດ 2024 ເຊິ່ງຜູ້ກໍ່ເຫດເຄີຍຖືກຈັບເຖິງ 2 ຄັ້ງ ທຳອິດແມ່ນຖືກສົງໃສວ່າມອມຢາ ແລະ ລັກເງິກ ຕໍ່ມາຖືກຈັບອີກຄັ້ງໃນຄະດີຂົ່ມຂືນຜູ້ໂດຍສານ.
ສື່ຍີ່ປຸ່ນລາຍງານວ່າ ຕຳຫຼວດໄດ້ພົບເຫັນຮ່ອງຮອຍຢານອນຫລັບຢູ່ໃນຜົມຂອງຜູ້ເຄາະຮ້າຍ. ຈຶ່ງສັນນິຖານວ່າ ທານາກະ ໄດ້ລັກລອບມອມຢາໃຫ້ກັບຜູ້ໂດຍສານໃນລົດແທັກຊີ້(ສ່ວນຫຼາຍແມ່ນເມົາ) ພາຍຫຼັງຜູ້ເຄາະຮ້າຍເສຍສະຕິແລ້ວ ຜູ້ກ່ຽວຈຶ່ງພາໂຕໄປເຮືອນຂອງຕົນເອງ ແລ້ວກໍໄດ້ລ່ວງລະເມີດທາງເພດ ແລະ ບັນທຶກຄິບໄວ້ໃນໂທລະສັບ ຕຳຫຼວດຍັງໄດ້ພົບເຫັນຄິບ ແລະ ຮູບຖ່າຍປະມານ 3.000 ຄິບຢູ່ໃນໂທລະສັບມືຖື ເຊິ່ງແມ່ນຄິບລ່ວງລະເມີດທາງເພດ ເຈົ້າໜ້າທີ່ຄາດວ່າເປັນຄິບຂອງ ທານະກະ ກັບຜູ້ທີ່ໂດຍສານ.
ໂດຍເລີ່ມກໍເຫດຖ່າຍຄິບຕັ້ງແຕ່ປີ 2008 ໂດຍເຊື່ອກັນວ່າມີຜູ້ໂດຍສານຍິງ 50 ກວ່າຄົນທີ່ຖືກຂົ່ມຂືນ. ຕຳຫຼວດໄດ້ຕັ້ງຂໍ້ຫາລ່ວງລະເມິດທາງເພດ ແລະ ໄດ້ບັນທຶກວິດີໂອອານາຈານ ເຊິ່ງລາວປະຕິເສດທຸກຂໍ້ກ່າວຫາຂອງຕໍາຫຼວດໂດຍອ້າງວ່າລາວຈື່ບໍ່ໄດ້.
ແຫຼ່ງທີ່ມາ: Top news