ກຳມະກອນຫວຽດນາມ 12 ຄົນ ທີ່ຕິດຢູ່ພາຍໃນອຸໂມງຖະຫລົ່ມຢູ່ແຂວງເລີມດົ່ງ ທາງພາກກາງຂອງປະເທດ ໄດ້ຮັບການ
ຊ່ວຍເຫລືອອອກມາພາຍນອກຢ່າງປອດໄພແລ້ວ ຫລັງຕິດຢູ່ດົນເຖິງ 4 ມື້.
ສຳນັກຂ່າວຕ່າງປະເທດລາຍງານ ໃນວັນທີ 19 ທັນວາຜ່ານມານີ້ວ່າ ກຳມະກອນທັງ 12 ຄົນ ທີ່ຕິດຢູ່ພາຍໃນອຸໂມງນັ້ນ ໄດ້
ຮັບການຊ່ວຍເຫລືອຈາກເຈົ້າໜ້າທີ່ກູ້ໄພ ອອກມາຢ່າງປອດໄພແລ້ວ ພາຍຫລັງທີ່ເອົາຊີວິດລອດຢູ່ພາຍໃນອຸໂມງດົນເຖິງ
4 ມື້ ດ້ວຍການຊ່ວຍເຫລືອປ້ຳອົກຊີເຢັນ ແລະ ສົ່ງອາຫານເຂົ້າໄປໃຫ້ຜ່ານທາງທໍ່ນ້ອຍໆ, ປັດຈຸບັນທີມກູ້ໄພກຳລັງຮື້ຖອນ
ເສດຊາກຫັກພັງຂອງອຸໂມງແລ້ວ.
