ວັນທີ 18 ທັນວານີ້ ກະຊວງອຸດສາຫະກຳ ແລະ ການຄ້າ ໄດ້ແຈ້ງການເຖິງບັນດາບໍລິສັດນ້ຳມັນເຊື້ອໄຟໃຫ້ປັບລົງລາຄາ
ນ້ຳມັນຂາຍຍ່ອຍໜ້າປ້ຳໃນທົ່ວປະເທດ ເປັນໄປຕາມກົນໄກການຊື້-ຂາຍຢູ່ຕະຫຼາດໂລກໃນປະຈຸບັນ ທີ່ມີການປ່ຽນແປງ
ນັບແຕ່ເວລາ 14:00 ໂມງ ຂອງວັນທີ 19 ທັນວາ 2014 ເປັນຕົ້ນໄປ ຊຶ່ງແອັດຊັງທຳມະດາທີ່ນິຍົມຊົມໃຊ້ຫຼາຍລົງເຖິງ 220
ກີບ ຈະສາມາດປະຢັດເງິນໃນຖົງໄດ້ພໍສົມຄວນ.
ການປັບຄັ້ງນີ້ສະເພາະລາຄາຢູ່ນະຄອນຫຼວງວຽງຈັນ ແອັດຊັງທຳມະດາຢູ່ 9.240 ກີບ ລົງ 220 ກີບ ຖ້າທຽບໃສ່ຄັ້ງຜ່ານມາ
ແລະ ລາຄາກາຊວນແມ່ນຫຼຸດລົງ 180 ກີບ ມາເປັນ 8.240 ກີບ, ແອັດຊັງພິເສດລິດລະ 10.540 ລົງ 250 ກີບ ແຕ່ຖ້າສົມ
ທຽບອັດຕາການປັບຫຼຸດລົງທີ່ດຳເນີນຕິດຕໍ່ກັນເຖິງ 8 ຄັ້ງ ນັບແຕ່ເດືອນກໍລະກົດເປັນຕົ້ນມາລາຄາແອັດຊັງພິເສດຫຼຸດ
ລົງເຖິງ 1.030 ກີບຕໍ່ລິດ, ແອັດຊັງທຳມະດາລົງ 980 ກີບ ແລະ ກາຊວນ 830 ກີບຕໍ່ໜຶ່ງລິດ ເມື່ອທຽບກັບຄ່າໃຊ້ຈ່າຍສຳ
ລັບຊື້ນ້ຳມັນຕໍ່ເດືອນຂອງແຕ່ລະຄົນ ແມ່ນສາມາດປະຢັດເງິນໃນກະເປົ໋າໄດ້ຫຼາຍລະດັບໜ້າພໍໃຈ ທັງນີ້ ກໍຍ້ອນລາຄານ້ຳ
ມັນແມ່ນລັດຖະບານເປັນຜູ້ຄຸ້ມຄອງໂດຍກົງ ໂດຍກະຊວງອຸດສາຫະກຳ ແລະ ການຄ້າເປັນຜູ້ຕິດຕາມກວດກາການຈັດ
ຕັ້ງປະຕິບັດຢ່າງເປັນເອກະພາບ ໃນທົ່ວປະເທດຕ່າງ ແຕ່ການຫຼຸດລື່ນກັນຂອງແຂວງຕ່າງໆທີ່ຕ້ອງຄິດໄລ່ຕາມອັດຕາຄ່າ
ຂົນສົ່ງ.
ສຳລັບເທື່ອນີ້ລາຄານ້ຳມັນແອັດຊັງ ພິເສດຢູ່ແຂວງຄຳມ່ວນກຳນົດໄວ້ 10.540 ກີບຕໍ່ລິດ, ທຳມະດາ 9.270 ກີບ, ກາຊວນ
8.270 ກີບ, ແຂວງສະ ຫວັນນະເຂດແອັດຊັງພິເສດ 10.660 ກີບ, ທຳມະດາ 9.270 ກີບ ແລະ ກາຊວນລິດໜຶ່ງ 8.260 ກີບ
ແລະ ແຂວງຈຳປາສັກແອັດຊັງພິເສດ 10.660 ກີບ, ແອັດຊັງທຳມະດາ, ລາຄາກາຊວນແມ່ນຢູ່ 9.270 ກີບ ແລະ 8.300 ກີບ
ກີບຕາມລຳດັບ.
ສ່ວນພາກເໜືອ ແຂວງບໍ່ແກ້ວແອັດ ຊັງລິດລະ 9.350 ກີບ, ກາຊວນ 8.340 ກີບ ແລະ ແຂວງຊຽງຂວາງແມ່ນ 9.470 ກີບ
ສຳລັບນ້ຳມັນແອັດຊັງ, ກາຊວນ 8.480 ກີບຕໍ່ລິດ.
ແຫລ່ງຂ່າວ: ເສດຖະກິດ – ສັງຄົມ