ການກໍ່ສ້າງໂຄງການໄຟຟ້າພະລັງງານຄວາມຮ້ອນຫົງສາ ແຂວງໄຊຍະບູລີ ມາຮອດຂະນະນີ້ໄດ້ສຳແລ້ວເກືອບ 93% ໃນຈຳ
ນວນ 6 ໜ້າວຽກທີ່ໄດ້ລົງມືຈັດຕັ້ງປະຕິບັດ ໂດຍຄາດວ່າ ໃນລະຫວ່າງກາງປີໜ້າຈະໃຫ້ໄດ້ເດີນເຄື່ອງທຳການຜະລິດກະແສ
ໄຟ ໜ່ວຍທຳອິດ, ໜ່ວຍທີ 2 ໃນທ້າຍປີດຽວກັນ ແລະ ໜ່ວຍທີ 3 ໃນຕົ້ນປີຕໍ່ໄປ ທີ່ມີກຳລັງການຜະລິດລວມເກືອບ 2 ພັນ
ເມກາວັດ.
ເມື່ອວັນທີ 17 ທັນວາ 2014 ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີພ້ອມດ້ວຍຄະນະໄດ້ລົງເຄື່ອນໄຫວ
ແລະ ເຮັດວຽກຢູ່ເມືອງຫົງສາ ໂດຍມີ ທ່ານ ຍັນຍົງ ສີປະເສີດ ຮອງ ເຈົ້າແຂວງໆໄຊຍະບູລີ, ທ່ານເຈົ້າເມືອງຫົງສາ, ຜູ້ຕາງ
ໜ້າບໍລິສັດໄຟຟ້າຫົງສາຈຳກັດ, ມີພະນັກງານຫຼັກແຫຼ່ງຂອງເມືອງ ພ້ອມດ້ວຍນາຍບ້ານເຂດເທສະບານເມືອງໃຫ້ການ
ຕ້ອນຮັບຢ່າງພ້ອມພຽງ.
ໂອກາດດັ່ງກ່າວ ທ່ານ ສົມສະຫວາດ ເລັ່ງສະຫວັດ ພ້ອມດ້ວຍຄະນະໄດ້ໄປຢ້ຽມຢາມເບິ່ງຄວາມຄືບໜ້າຂອງໂຄງ ການໄຟ
ຟ້າພະລັງງານຄວາມຮ້ອນຫົງສາ ຊຶ່ງໃຫ້ກຽດກ່າວຕ້ອນຮັບໂດຍ ທ່ານ ທະນະວັດ ນຸກູນການ ປະທານທີ່ປຶກສາບໍລິສັດໄຟ
ຟ້າຫົງສາ ຈຳກັດ ພ້ອມທັງໄດ້ຮັບຟັງການລາຍງານຄວາມຄືບໜ້າຂອງໂຄງການ ຊຶ່ງມາຮອດປະຈຸບັນນີ້ການກໍ່ສ້າງໂຮງ
ໄຟຟ້າ, ລະບົບ ການຈັດການຂີ້ເທົ່າ ແລະ ຢິບຊຳ, ວຽກສາຍສົ່ງ ແລະ ສະຖານີຈ່າຍໄຟຟ້າ, ວຽກງານບໍ່ຖ່ານຫີນ, ວຽກພື້ນ
ຖານໂຄງລ່າງ ແລະ ວຽກພັດທະນາສັງຄົມສຳເລັດແລ້ວທັງໝົດເກືອບ 93% ແຕ່ເມື່ອທຽບໃສ່ແຜນການທີ່ທາງບໍລິສັດ
ດັ່ງກ່າວໄດ້ວາງໄວ້ແມ່ນ ຫຼຸດແຜນ 2,3%.
ຢ່າງໃດກໍຕາມ ບໍລິສັດໄຟຟ້າຫົງສາ ກໍຈະສ້າງໃຫ້ສຳເລັດຕາມແຜນການທີ່ຄາດໝາຍໄວ້ ແລະ ຈະໃຫ້ໄດ້ຜະລິດກະແສໄຟ
ຟ້າໜ່ວຍທີ 1 ໃນເດືອນມິຖຸນາ, ໜ່ວຍທີ 2 ໃນເດືອນພະຈິກປີ 2015 ແລະ ໜ່ວຍທີ 3 ເດືອນມີນາໃນປີ 2016, ຊຶ່ງຈະມີ
ກຳລັງການຜະລິດເຖິງ 1.878 ເມກາວັດ.
ຫຼັງຈາກນັ້ນ ທ່ານຮອງນາຍົກກໍໄດ້ຮັບຟັງວຽກງານການຍົກຍ້າຍຈັດສັນ ແລະ ຟື້ນຟູຊີວິດການເປັນຢູ່ຂອງປະຊາຊົນທີ່
ຖືກຜົນກະທົບຈາກການ ກໍ່ສ້າງໂຄງການຈາກ ທ່ານ ສົມມີ ໄຊຍະລາດ ຫົວໜ້າຫ້ອງການຍົກຍ້າຍຈັດສັນ ແລະ ຟື້ນຟູຊີ
ວິດການເປັນຢູ່ຂອງປະຊາຊົນຕື່ມອີກ.
ໃນຕອນທ້າຍ ທ່ານ ສົມສະຫວາດ ເລັ່ງສະຫວັດ ກໍໄດ້ສະແດງຄວາມຍ້ອງ ຍໍຊົມເຊີຍຕໍ່ກັບໂຄງການດັ່ງກ່າວທີ່ຍາດໄດ້ຜົ
ນສຳເລັດໃນຫຼາຍ ດ້ານເປັນຕົ້ນແມ່ນເຮັດໃຫ້ຊີວິດການເປັນຢູ່ຂອງປະ ຊາຊົນມີລາຍຮັບເພີ່ມຂຶ້ນໃນແຕ່ລະປີ, ພ້ອມ
ນັ້ນ ທ່ານຍັງໄດ້ເນັ້ນໜັກໃຫ້ທຸກພາກສ່ວນຈົ່ງພ້ອມກັນເອົາໃຈໃສ່ຈັດ ຕັ້ງປະຕິບັດເຮັດໃຫ້ວຽກງານການກໍ່ສ້າງຂອງ
ໂຄງການໄຟຟ້າພະລັງງານ ຄວາມ ຮ້ອນຫົງສາສຳເລັດຕາມແຜນການທີ່ ຄາດໝາຍໄວ້ເຮັດໃຫ້ເສດຖະກິດຂອງລາວ
ໂດຍສະເພາະຢູ່ເມືອງຫົງສາໃຫ້ດີຂຶ້ນໄປເລື້ອຍໆ.
ແຫລ່ງຂ່າວ: ເສດຖະກິດ – ສັງຄົມ