ນາຍົກລັດຖະມົນຕີ ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ.

ໃນວັນທີ 20 ກຸມພາ ທ່ານ ສອນໄຊ ສີພັນດອນ ນາຍົກລັດຖະມົນຕີ ສປປ ລາວ ແລະ ທ່ານນາງ ແພທອງທານ, ນາຍົກລັດຖະມົນຕີ ຣາຊະອານາຈັກໄທ ໄດ້ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບຄື:

1. ແຜນດຳເນີນການ ປີ 2025 – ປີ 2027 ເພື່ອດຳເນີນການຕາມບັນທຶກຄວາມເຂົ້າໃຈວ່າ ດ້ວຍການຮ່ວມມືດ້ານກົດໝາຍລະຫວ່າງ ກະຊວງຍຸດຕິທຳແຫ່ງ ສປປ ລາວ ແລະ ກະຊວງຍຸດຕິທຳແຫ່ງ ຣາຊະອານາຈັກໄທ.
2. ບັນທຶກການດຳເນີນການດ້ານເທັກນິກສຳລັບການຂົນສົ່ງຜູ້ໂດຍສານທາງລົດໄຟລະຫວ່າງ ລັດວິສາຫະກິດລົດໄຟແຫ່ງຊາດລາວ ແລະ ການລົດໄຟແຫ່ງປະເທດໄທ.
3. ບັນທຶກຄວາມເຂົ້າໃຈເພື່ອການຮ່ວມມືທາງວິຊາການລະຫວ່າງ ມະຫາວິທະຍາໄລສຸພານຸວົງ, ສປປ ລາວ ແລະ ມະຫາວິທະຍາໄລແມ່ຟ້າຫຼວງ, ຣາຊະອານາຈັກໄທ.
4. ບັນທຶກຄວາມເຂົ້າໃຈ ລະຫວ່າງ ອຸດສາຫະກຳແຫ່ງຊາດລາວ ແລະ ຄະນະກຳມະການຮ່ວມພາກເອກະຊົນ 3 ສະຖາບັນ ກັບ ສະພາການຄ້າ.

ນອກຈາກນີ້, ທ່ານນາຍົກລັດຖະມົນຕີທັງສອງ ຍັງໄດ້ຮ່ວມກັນເປີດໂຕສັນຍາລັກສະເຫຼີມສະຫຼອງການສະຖາປະມາຄວາມສຳພັນທາງການທູດ ລາວ-ໄທ ຄົບຮອບ 75 ປີ ອີກດ້ວຍ.