ວິກິດວານຂຶ້ນຕິດຝັ່ງກວ່າ 150 ໂຕ ທີ່ຊາຍຝັ່ງແທສມາເນຍ
ທາງການທ້ອງຖິ່ນຂອງອອສເຕເລຍລາຍງານວ່າ ພົບວານຈຳນວນ 157 ໂຕຂຶ້ນຕິດຝັ່ງບໍລິເວນຊາຍຫາດໃກ້ເມືອງອາເທີ ຣິເວີ ທາງຊາຍຝັ່ງຕາເວັນຕົກຂອງເກາະແທສມາເນຍ ໂດຍຈາກການກວດສອບເບື້ອງຕົ້ນ ພົບວ່າມີວານຢ່າງໜ້ອຍ 90 ໂຕຍັງມີຊີວິດຢູ່.
ໂຄງການອະນຸລັກທາງທະເລ ຂອງລັດແທສມາເນຍລະບຸວ່າ “ວານເຫຼົ່ານີ້ ໜ້າຈະເປັນວານຫົວໝາກໂມ (False Killer Whales) ແລະຂະນະນີ້ ກຳລັງຮ່ວມມືກັບໜ່ວຍງານ Tasmania Parks and Wildlife Service ເພື່ອປະເມີນສະຖານະການ ແລະດຳເນີນການຊ່ວຍເຫຼືອ”
ວານທຸກໂຕຖືເປັນສັດຄຸ້ມຄອງ ເຖິງແມ່ນວ່າຈະເສຍຊີວິດໄປແລ້ວກໍຕາມ ແລະການເຂົ້າໄປວົນວາຍກັບຊາກວານ ຖືວ່າເປັນຄວາມຜິດຕາມກົດໝາຍ.
ຜູ້ຊ່ຽວຊານດ້ານພຶດຕິກຳສັດ ແລະນັກວິທະຍາສາດທາງທະເລລະບຸວ່າ ອັດຕາການລອດຊີວິດຂອງວານທີ່ຂຶ້ນມາຕິດຝັ່ງນັ້ນຕ່ຳຫຼາຍ ແລະໂດຍທົ່ວໄປແລ້ວ ວານສາມາດມີຊີວິດລອດເທິງບົກໄດ້ພຽງປະມານ 6 ຊົ່ວໂມງ ກ່ອນທີ່ຮ່າງກາຍຈະເລີ່ມເສື່ອມສະພາບລົງ.
ທີ່ມາ: CNN