ພົບກ່ອງດຳເຮືອບິນໂດຍສານສະຫະລັດ ທີ່ປະສົບອຸບັດຕິເຫດຕຳກັນກາງອາກາດກັບ ເຮລິຄອບເຕີ ກ່ອນຈະຕົກລົງໃນແມ່ນ້ຳ ທີ່ນະຄອນຫຼວງວໍຊິງຕັນ ເຈົ້າໜ້າທີ່ຜູ້ຊ່ຽວຊານນຳໄປກວດສອບແລ້ວ ເພື່ອຫາເບາະແສກ່ຽວກັບຂໍ້ຜິດພາດທີ່ອາດຈະເກີດຂຶ້ນ ຄາດວ່າຜູ້ໂດຍສານທີ່ຢູ່ເທິງເຮືອບິນ ແລະ ເຮລິຄອບເຕີ ລວມ 67 ຄົນ ໜ້າຈະເສຍຊີວິດທັງໝົດ.
ສຳນັກຂ່າວຕ່າງປະເທດລາຍງານ ໃນວັນທີ 31 ມັງກອນ 2025 ນີ່: ເຈົ້າໜ້າທີ່ໄດ້ລາຍງານພົບກ່ອງດຳ 2 ກ່ອງ ເຊິ່ງເປັນອຸປະກອນໃນການບັກທຶກສຽງ ແລະ ຂໍ້ມູນໃນຫ້ອງຂັບນັກບິນ ແລະ ອຸປະກອນຈາກເຮືອບອມບາເດຍ CRJ 700 ຂອງສາຍການບິນອາເມຣິກາ ແອລາຍ ທີ່ປະສົບອຸບັດຕິເຫດ ຕຳກັບ ເຮລິຄອບເຕີ ຂອງກອງທັບ ໃນຂະນະທີ່ເຮືອບິນ ກຳລັງລົງຈອດທີ່ສະໜາມບິນນາໆຊາດໂຮນັນ ໃນກຸງວໍຊິງຕັນ.
ຜູ້ຊ່ຽວຊານລະບຸວ່າ: ໄດ້ນຳກ່ອງດຳໄປກວດສອບເພື່ອຫາເບາະແສ ພາຍໃນ 30 ວັນ ເພື່ອຫາສາເຫດກ່ຽວກັບຂໍ້ຜິດພາດທີ່ອາດຈະເກີດຂຶ້ນ.
ທາງດ້ານກູ້ໄພເປີດເຜີຍວ່າ: ທີມນັກຄົ້ນຫາ, ກູ້ໄພ ລວມ 300 ຄົນ ແລະ ເຮືອຫຼາຍລຳຕ່າງພາກັນເລັ່ງຊ່ວຍໃຫ້ໄວທີສຸດ ໂດຍການຄ້ນຫາຕະຫຼອດທັງຄືນ ທ່າມກາງແມ່ນ້ຳທີ່ເຢັນ ສາມາດເກັບກູ້ຮ່າງຜູ້ເສຍຊີວິດ ຈາກເຮືອບິນໄດ້ແລ້ວຢ່າງນ້ອຍ 30 ຄົນ ໂດຍພາລະກິດການຊ່ວຍເຫຼືອຖືກປ່ຽນຈາກການຄົ້ນຫາ ແລະ ຊ່ວຍເຫຼືອ ມາເປັນພາລະເກັບເກັບກູ້ຮ່າງແລ້ວ.
ແຫຼ່ງຂ່າວ: ໄທລັດ