ໂດໂນ ທຣຳ ສາບານຕົນຮັບຕຳແໜ່ງປະທານາທິບໍດີຄົນທີ 47 ຂອງສະຫະລັດຢ່າງເປັນທາງການແລ້ວ ກ່ອນຈະກ່າວຄຳປາໄສປະກາດວ່າ ຍຸກທອງຂອງອາເມຣິກາເລີ່ມຂຶ້ນແລ້ວ.
ສຳນັກຂ່າວຕ່າງປະເທດລາຍງານວ່າ: ໂດໂນ ທຣຳ ເຂົ້າພິທີສາບານຕົນຮັບຕຳແໜ່ງປະທານາທິບໍດີຄົນທີ 47 ຂອງສະຫະລັດຢ່າງເປັນທາງການ ໃນວັນທີ 20 ມັງກອນ 2025 ຜ່ານມາ, ນັບເປັນການກັບມາສູ່ເສັ້ນທາງການເມືອງຄັ້ງໃຫຍ່ຫຼັງບໍ່ຊະນະການເລືອກຕັ້ງສະໄໝທີ 2 ແລະ ຖືກຟ້ອງຮ້ອງດຳເນີນຄະດີໄປຈົນຮອດຂັ້ນຖືກຕັດສິນວ່າມີຄວາມຜິດໃນຄະດີອາຊະຍາກຳ.
ໂດໂນ ທຣຳ ປະທານາທິບໍດີສະຫະລັດ ຂຶ້ນເວທີກ່າວຄຳປາໄສ ໂດຍລະບຸວ່າ: “ຍຸກທອງຂອງອາເມລິກາໄດ້ເລີ່ມຂຶ້ນແລ້ວ ຈາກມື້ນີ້ເປັນຕົ້ນໄປປະເທດຂອງພວກເຮົາຈະເລີນຮຸ່າງເຮືອງ ແລະ ໄດ້ຮັບຄວາມເຄົາລົບ ອະທິປະໄຕຂອງເຮົາຈະກັບຄືນມາ ຄວາມປອດໄພຂອງເຮົາຈະຟື້ນຄືນ ຄວາມຍຸຕິທຳຈະຖືກປັບສົມດຸນໃໝ່ ອີກບໍ່ດົນອາເມຣິກາຈະຍິ່ງໃຫຍ່ຂຶ້ນ ແຂງແກ່ນຂຶ້ນ ແລະ ຮຸ່າງເຮືອງກວ່າທີ່ເຄີຍເປັນມາ”
ໂດໂນ ທຣຳຢືນຢັນວ່າ ລັດທະບານຂອງເຂົາຈະເຮັດວຽກເພື່ອແກ້ໄຊວິກິດດ້ວຍກຽດ ອຳນາດ ແລະ ຄວາມເຂັ້ມແຂງ ແລະ ຈະນຳຄວາມຮຸ່ງເຮືອງກັບຄືນສູ່ປະຊາຊົນທຸກເຊື້ອຊາດ ແລະ ສາດສະໜາ ແລະ ໄດ້ປະກາດວ່າວັນທີ 20 ມັງກອນ 2025 ຄືວັນແຫ່ງການປົດປ່ອຍ ຫຼັງຈາກນັ້ນກໍມີສຽງຕົບມືດັງກ້ອງທົ່ວຫ້ອງໂຖງຂອງອາຄານລັດທະສະພາສະຫະລັດ.
ແຫຼ່ງຂ່າວ: BBC