ສຳນັກຂ່າວຕ່າງປະເທດລາຍງານ ນັບຕັ້ງແຕ່ວັນທີ 1 ມັງກອນ 2025 ເຈົ້າໜ້າທີ່ຕຳຫຼວດຫວຽດນາມອອກໃບສັ່ງຈະລາຈອນເຂົ້ມງວດຂຶ້ນ ເຊິ່ງສ້າງຄວາມບໍ່ພໍໃຈໃຫ້ຊາວຫວຽດນາມເປັນຈຳນວນຫຼາຍ ຫຼັງຈາກລັດຖະບານໄດ້ອອກກົດລະບຽບໃຫ້ປັບໄໝ້ຜູ້ຂັບຂີ່ທີ່ຜ່າໄຟແດງ ຂີ່ລົດເທິງທາງຄົນຍ່າງ ຫຼື ໃຊ້ໂທລະສັບຂະນະຂັບຂີ່ລົດ.
ຈຸດປະສົງໃນການອອກກົດໝາຍກໍເພື່ອປັບປ່ຽນພຶດຕິກຳຂອງຜູ້ຂັບຂີ່ຍານພາຫະນະໃຫ້ດີຂຶ້ນ ແຕ່ຂະນະດຽວກັນກໍເຮັດໃຫ້ການຈະລາຈອນຕິດຂັດຫຼາຍຂຶ້ນ ຕາມການລາຍງານຂອງຄົນຂັບແທັກຊີ່ໃນນະຄອນຮ່າໂນຍ.
ທາງດກ້ານປະຊາຊົນຊາວເມືອງໂຮ່ຈິມິນເປີດເຜີຍກັບສຳນັກຂ່າວທ່້ອງຖິ່ນວ່າ: ການເດີນທາງໄປເຮັດວຽກຂອງຕົນໃຊ້ເວລາດົນຂຶ້ນຢ່າງຊັດເຈນແຕ່ວັນທີ 1 ມັງກອນ 2025 ເປັນຕົ້ນມາ ຕົວຢ່າງຂອງກົດຈະລາຈອນໃໝ່ ຄ່າປັບສຳລັບຜູ້ຂັບຂີ່ລົດໃຫຍ່ຜ່າໄຟແດງເພີ່ມຂຶ້ນຈາກ 4 ລ້ານດົງ ເປັນ 18 ລ້ານດົງ ຫຼື ປະມານເກືອບ 16 ລ້ານກີບ ຂະນະທີ່ສຳລັບຄ່າປັບຜູ້ຂີ່ລົດຈັກຄວາມຜິດດຽວກັນເພີ່ມຂຶ້ນຈາກ 1 ລ້ານດົງ ເປັນ 4 ລ້ານດົງ ຫຼື ປະມານ 3.5 ລ້ານກີບ.
ນອກຈາກນີ້ຍັງມີຜູ້ໃຊ້ຖະໜົນຮຽກຮ້ອງວ່າໄຟຈະລາຈອນທີ່ບໍ່ໜ້າເຊື່ອຖືເປັນກັບດັກເຮັດໃຫ້ຕຳຫຼວດສາມາດອອກໃບສັ່ງຜູ້ຂັບຂີ່ໄດ້ແລະ ປ້າຍຈະລາຈອນຫຼາຍປ້າຍໃນນະຄອນຮ່າໂນຍບໍ່ສາມາດເບິ່ງເຫັນໄດ້ຢ່າງຊັດເຈນເນື່ອງຈາກມີຕົ້ນໄມ້ປົກຄຸມ ແລະ ເສັ້ນຫົນທາງບາງສ່ວນກໍບໍ່ເຫັນແຈ້ງ.
ແຫຼ່ງຂ່າວ: MGR