ວັນທີ 12 ທັນວາ 2024 ໂຄງການເກັບກູ້ລະເບີດແຫ່ງຊາດປະຈໍາ ແຂວງ ຫຼວງພະບາງ ລາຍງານວ່າ: ໄດ້ຮັບແຈ້ງຈາກປະຊາຊົນທີ່ພົບເຫັນລະເບີດ ຢູ່ ບ້ານບັງກາໂລ ແລະ ບ້ານນານານ, ເມືອງພູຄູນ, ແຂວງຫຼວງພະບາງ.
ຫລັງຈາກນັ້ນທີມງານພາກສະໜາມ ຂອງໂຄງການເກັບກູ້ລະເບີດແຫ່ງຊາດ ປະຈໍາແຂວງ ຫຼວງພະບາງ ໄດ້ລົງໄປພື້ນທີ່ ແລະ ດໍາເນີນການທໍາລາຍລະເບີດທັງໝົດຈໍານວນ 333 ໜ່ວຍ, ໃນນັ້ນ ເປັນລະເບີດລູກຫວ່ານ ປະເພດ BLU24 ຈໍານວນ 286 ໜ່ວຍ ແລະ ປະເພດສໍາພະວຸດອື່ນໆ ຈໍານວນ 47 ໜ່ວຍ.
ຂ່າວ: ວສລ