ໃນໂອກາດຊີ້ແຈງຕໍ່ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ໃນວັນທີ 26 ພະ ຈິກ 2024 , ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ໃຫ້ຮູ້ວ່າ: ມາ ຮອດປັດຈຸບັນ, ສປປ ລາວ ໄດ້ຮັບລາງວັນມາດຕະຖານ ການທ່ອງທ່ຽວອາຊຽນ ຈໍານວນ 219 ລາງວັນ. ໃນນີ້, ມີລາງວັນໂຮງແຮມສີຂຽວອາຊຽນ 113 ລາງວັນ, ລາງວັນເຮືອນພັກ ປະຊາຊົນ 12 ລາງວັນ, ລາງວັນການທ່ອງທ່ຽວແບບປະຊາຊົນມີສ່ວນຮ່ວມ 10 ລາງວັນ, ລາງວັນເມືອງທ່ອງທ່ຽວສະ ອາດ 7 ລາງວັນ, ລາງວັນສະຖານທີ່ຈັດງານ 34 ລາງວັນ, ລາງວັນສະປາ 12 ລາງວັນ, ລາງວັນຫ້ອງນໍ້າສາທາລະນະ 22 ລາງວັນ, ລາງວັນການທ່ອງທ່ຽວແບບຍືນຍົງ 6 ລາງວັນ.
ຄຽງຄູ່ກັນນີ້, ໄດ້ເອົາໃຈໃສ່ຈັດຕັ້ງປະຕິບັດ ມາດຕະຖານ ການທ່ອງທ່ຽວ ຂອງ ສປປ ລາວ ເຊັ່ນ: ການຈັດລະດັບມາດຕະຖານສະ ຖານທີ່ພັກແຮມ ໄດ້ທັງໝົດ 151 ແຫ່ງ. ໃນນີ້, ມີໂຮງແຮມ 95 ແຫ່ງ, ເຮືອນພັກ 56 ແຫ່ງ, ໂຮງແຮມ ລະດັບ 5 ດາວ 16 ແຫ່ງ, ໂຮງແຮມ 4 ດາວ 23 ແຫ່ງ, ໂຮງແຮມ 3 ດາວ 25 ແຫ່ງ, ໂຮງ ແຮມ 2 ດາວ 17 ແຫ່ງ, ໂຮງແຮມ 1 ດາວ 14 ແຫ່ງ, ສ່ວນເຮືອນພັກ 3 ດອກຈໍາປາມີ 10 ແຫ່ງ, 2 ດອກຈໍາປາມີ 26 ແຫ່ງ ແລະ 1 ດອກຈໍາປາມີ 20 ແຫ່ງ; ໄດ້ມີການຢັ້ງຢືນມາດຕະຖານ ສຸຂານາໄມໃນຂະແໜງ ການທ່ອງທ່ຽວ ແລະ ໂຮງແຮມ (LaoSafe) ຈໍານວນ 1.340 ຫົວໜ່ວຍ ແລະ ສ້າງຄູຝຶກ ແລະ ຄູປະເມີນຜົນໄດ້ 34 ຄົນ ແລະ ອື່ນໆ.
ຂ່າວ: ວສລ