ໃນວັນທີ 19 ພະຈີກ 2024 ສານປະຊາຊົນແຂວງວຽງຈັນ ໄດ້ມີການຕັດສິນຄະດີຈໍາເລີຍຈຳນວນ 12 ຄົນ ໃນຂໍ້ຫາຄ້າຂາຍ ແລະ ມີຢາເສບຕິດໄວ້ຄອບຄອງ, ສາມາດຍຶດຢາເສບຕິດໄດ້ທັງໝົດ 3,000 ກວ່າເມັດ. ທ້າວ ແກ່ນສີ , ອາຍຸ 37 ປີ, ອາຊີບ ກຳມະກອນ, ຢູ່ບ້ານຜາທອງ ເມືອງວັງວຽງ, ຖືກກັກຕົວໃນວັນທີ 29 ທັນວາ 2023 ໃນຂໍ້ກ່າວຫາ ຄ້າ-ຂາຍຢາເສບຕິດ ຂອງກາງຢາເສບຕິດປະເພດຢາບ້າ ຈຳນວນ 160 ເມັດ ດັ່ງນັ້ນສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ 5 ປີ ປັບໃໝ 10,000,000 ກີບ, ທ້າວ ນີ່ ອາຍຸ 23 ປີ ອາຊີບ ເຮັດນາ ຢູ່ບ້ານຂາມ ເມືອງໂພນໂຮງ ໃນຂໍ້ກ່າວຫາ ຄ້າ-ຂາຍຢາເສບຕິດ ຂອງກາງຢາເສບຕິດປະເພດຢາບ້າ ຈຳນວນ 397 ເມັດ ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ 6 ປີ ປັບໃໝ 28,000,000 ກີບ.
ທ້າວ ຂຸນ ອາຍຸ 40 ປີ ອາຊີບຊາວນາ ຖືກກັກຕົວໃນຄັ້ງວັນທີ 8 ມີຖຸນາ 2023 ແລະ ທ້າວ ບ໋ອບບີ ຖືກກັກຕົວໃນວັນທີ 03 ສິງຫາ 2023 ພວກກ່ຽວທັງສອງຢູ່ບ້ານໂພນສູງ ເມືອງໂພນໂຮງໃນຂໍ້ກ່າວຫາ ຄ້າ-ຂາຍຢາເສບຕິດ ຂອງກາງປະເພດຢາບ້າ 35 ເມັດ ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ ຜູ້ລະ 5 ປີ ປັບໃໝຜູ້ລະ 10,000,000 ກີບ ,ແລະ ຕັດອິດສະຫຼະພາບ ທ້າວ ນ້ອຍ ອາຍຸ 43 ປີ ອາຊີບ ເຮັດນາ ຢູ່ບ້ານຈຽງ ເມືອງກາສີ ແຂວງວຽງຈັນ ຖືກກັກຕົວໃນວັນທີ 18 ກໍລະກົດ 2023 ໃນຂໍ້ກ່າວຫາ ຄ້າ-ຂາຍຢາເສບຕິດ ຂອງກາງຢາເສບຕິດປະເພດ ຢາບ້າ ຈຳນວນ 2,000 ເມັດ ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ 12 ປີ, ປັບໃໝ 120,000,000 ກີບ, ທ້າວ ອານຸ, ອາຍຸ 21 ປີ ອາຊີບ ກຳມະກອນ ຢູ່ບ້ານ ບົວຈະເລີນ ເມືອງຊະນະຄາມ ແຂວງວຽງຈັນ ຖືກກັກຕົວໃນວັນທີ 10 ພຶດສະພາ 2023 ໃນຂໍ້ກ່າວຫາ ຄ້າ-ຂາຍຢາເສບຕິດ ຂອງກາງຢາເສບຕິດປະເພດ ຢາບ້າ ຈຳນວນ 197 ເມັດ ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ 5 ປີ, ປັບໃໝ 10,000,000 ກີບ.
ທ້າວ ກຽດກຽງໄກ ອາຍຸ 43 ປີ ອາຊີບຊາວນາ ຢູ່ບ້ານ ປາກແຈ້ງ ເມືອງ ວຽງຄໍາ ຖືກກັກຕົວໃນວັນທີ 20 ກໍລະກົດ 2023 ໃນຂໍ້ກ່າວຫາ ມີຢາບ້າໄວ້ໃນຄອບຄອງ ຂອງກາງຢາເສບຕິດປະເພດຢາບ້າ ຈຳນວນ 165 ເມັດ, ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ 5 ປີ ປັບໃໝ 10,000,000 ກີບ, ທ້າວ ຕຸ້ຍ, ອາຍຸ 36 ປີ ອາຊີບ ເຮັດນາ ຢູ່ບ້ານ ໂພນເພັງ ເມືອງວັງວຽງ ຖືກກັກຕົວໃນຄັ້ງວັນທີ 26 ກັນຍາ 2023 ໃນຂໍ້ກ່າວຫາ ມີຢາບ້າໄວ້ໃນຄອບຄອງ ຈຳນວນ 11 ເມັດ ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ 2 ປີ, ປັບໃໝ 10,000,000 ກີບ, ທ້າວ ບ່ອບບີ, ອາຍຸ 34 ປີ ອາຊີບ ເຮັດນາ ຢູ່ບ້ານ ໂພນມ່ວງ ເມືອງແກ້ວອຸດົມ ຖືກກັກຕົວໃນຄັ້ງວັນທີ 20 ກໍລະກົດ 2023 ໃນຂໍ້ກ່າວຫາ ມີຢາບ້າໄວ້ໃນຄອບຄອງ ຈຳນວນ 6 ເມັດ ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ 2 ປີ, ປັບໃໝ 10,000,000 ກີບ.
ທ້າວ ສາຍຢັນ, ອາຍຸ 30 ປີ ອາຊີບ ເຮັດນາ ຢູ່ບ້ານນາຕາດ ເມືອງໜື່ນ ຖືກກັກຕົວໃນຄັ້ງວັນທີ 12 ທັນວາ 2023 ໃນຂໍ້ກ່າວຫາ ມີຢາບ້າໄວ້ໃນຄອບຄອງ ຈຳນວນ 52 ເມັດ ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ 5 ປີ, ປັບໃໝ 10,000,000 ກີບ, ທ້າວ ເພ້ຍຢ່າງ, ອາຍຸ 41 ປີ ອາຊີບ ເຮັດນາ ຢູ່ບ້ານນາກາງ ຖືກກັກຕົວໃນຄັ້ງວັນທີ 18 ມັງກອນ 2024 ໃນຂໍ້ກ່າວຫາ ມີຢາບ້າໄວ້ໃນຄອບຄອງ ຈຳນວນ 18 ເມັດ ແລະ ທ້າວ ກົດ , ອາຍຸ 33 ປີ ອາຊີບ ເຮັດນາ ຢູ່ບ້ານນາເດື່ອ ທັງສອງແມ່ນຢູ່ເມືອງຊະນະຄາມ ໃນຂໍ້ກ່າວຫາ ມີຢາບ້າໄວ້ໃນຄອບຄອງ ຈຳນວນ 23 ເມັດ ສານປະຊາຊົນແຂວງວຽງຈັນ ຈຶ່ງຕັດສິນລົງໂທດຕັດອິດສະຫຼະພາບ ຜູ້ລະ 2 ປີ, ປັບໃໝຜູ້ລະ 10,000,000 ກີບ.
ຂ່າວ: ປກສ ແຂວງວຽງຈັນ