ອີງຕາມການລາຍງານຈາກເວັບໄຊ VnExpress ເຮືອຊ້ອມຮົບຂອງກອງອາກາດ Yak-130 ຕົກຢູ່ທາງທາງພາກກາງຂອງແຂວງ Binh Dinh ໃນຕອນເຊົ້າວັນພຸດທີ 6 ພະຈິກ 2024 ຜ່ານມາ, ເຈົ້າໜ້າທີ່ສາມາດຄົ້ນພົບນັກບິນທັງ 2 ໄດ້ຢ່າງປອດໄພ.

ທ່ານ ພັນ ຊີ ຫຸງ ປະທານຄະນະກຳມະການປະຊາຊົນເຂດເຕຍເຊິນ ກ່າວວ່າ: ເຈົ້າໜ້າທີ່ໄດ້ຮັບແຈ້ງເຫດເມື່ອເວລາປະມານ 16:30 ໂມງ ຂອງວັນດຽວກັນ ຈາກພັນໂທ ຫງຽນ ຫົງ ກວນ  ໜຶ່ງໃນສອງນັກບິນທີ່ປະສົບອຸບັດຕິເຫດຕົກໃນຄັ້ງນີ້ ໂດຍແຈ້ງວ່ານັກບິນທັງສອງຄົນປອດໄພດີ ສ່ວນນັກບິນອີກຄົນກໍຄື ພັນເອກ ຫງຽນ ວັນ ເຊິນ ໄດ້ເຮັດການສົ່ງສັນຍານເຕືອນແບບດຽວກັນຈາກໂທລະສັບເມື່ອເວລາປະມສານ 18:45 ໂມງ.

ຈາກນັ້ນເຈົ້າໜ້າທີ່ກູ້ໄພໄດ້ລະດົມກັນຫຼາຍຮ້ອຍຄົນໄປຈຸດເກີດເຫດ ເຊິ່ງພຶ້ນທີ່ດັ່ງກ່າວ ມີເນີນເຂົາ ແລະ ຝົນຕົກໜັກ ເຮັດໃຫ້ເຈົ້າໜ້າທີ່ກູ້ໄພເຂົ້າເຖິງພຶ້ນທີ່ໄດ້ຍາກ ແຕ່ສຸດທ້າຍທາງເຈົ້າໜ້າທີ່ກໍຄົ້ນພົບ ຫງຽນ ຫົງ ກວນ ໃນເວລາ 20:20 ໂມງ ແລະ ຫງຽນ ວັນ ເຊິນ ໃນເວລາ 22:00 ໂມງ ມີໄລຍະຫ່າງປະມານ 1 ກິໂລແມັດ ຈາກນັ້ນທັງ 2 ໄດ້ຖືກນຳສົ່ງໂຮງໝໍເພື່ອກວດສຸຂະພາບ.