ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2024 ນີ້ກ່ຽວກັບເລື່ອງລາວສຸດແປກຂອງຊາຍຊາວອິຕາລີ ອາຍຸ 60 ປີ ເກີດອຸບັດຕິເຫດລົດຕຳ ອາການໂຄມ່າ ເມື່ອຟຶ້ນຂຶ້ນມາຄວາມຊົງຈຳເສຍຫາຍໄປ 39 ປີ ລືມໜ້າເມຍ-ໍຮູ້ຈັກລູກຕົນເອງ ທຳໃຈບໍ່ໄດ້ຕື່ນຂຶ້ນມາກໍເຖົ້າແກ່ເລີຍ.
ເລື່ອງລາວຂອງ ລູເຊຍໂນ ດາດາໂມ ເປັນທີ່ໜ້າສົນໃຈຫຼາຍໃນໂລກສັກຄົມອອນລາຍເມື່ອໄດ້ອອກມາເລົ່າເຖິງຄວາມຮໍູ້ສຶກຫຼັງປະສົບອຸບັດຕິເຫດຕຳແລ້ວໜີໃນປີ 2019 ແລະ ເຮັດໃຫ້ຊີວິດຂອງລາວປ່ຽນໄປ ເມື່ອລາວຟຶ້ນຂຶ້ນມາຈາກອາການໂຄມ່າ ລາວເຊື່ອວ່າຕົນເອງອາຍຸ 24 ປີ ແລະ ກຳລັງຖ້າແຕ່ງງານກັບຄູ່ໝັ້ນອາຍຸ 19 ປີ ລາວບໍ່ສາມາດຈື່ຜູ້ຍິງເຖົ້າແກ່ທີ່ອ້າງຕົນເອງວ່າເປັນເມຍຂອງລາວໄດ້ ແລະ ບໍ່ຮູ້ຈັກຊາຍອາຍຸ 30 ປີທີ່ເອີ້ນລາວວ່າ ພໍ່ ທີ່ສຳຄັນລາວບໍ່ຮູ້ຈັກຊາຍເຖົ້າແກ່ເມື່ອລາວແຍງແວ່ນຢູ່ຕໍ່ໜ້າ.
ເມື່ອເວລາຜ່ານໄປປະມານ 5 ເດືອນຫຼັງຈາກອຸບັດຕິເຫດທີ່ປ່ຽນແປງຊີວິດຂອງ ລູເຊຍໂນ ຍັງຄົງພະຍາຍາມທຳໃຈຍອມຮັບຄວາມຈິງບໍ່ໄດ້ເລື່ອງທີ່ວ່າລາວອາດຈະບໍ່ມີວັນໄດ້ຄວາມຊົງຈຳ 39 ປີຂອງລາວກັບຄືນມາໄດ້, ປັດຈຸບັນລາວໄດ້ເຮັດວຽກເປັນພະນັກງານຮັກສາຄວາມສະອາດໃນໂຮງຮຽນເຊິ່ງເປັນສະພາບແວດລ້ອມທີ່ຊ່ວຍໃນລາວມີຄວາມຮູ້ສຶກເປັນປົກກະຕິ ການໃຊ້ຊີວິດທ່າມກາງເດັກນ້ອຍເຮັດໃຫ້ລາວມີມຸມມອງໃໝ່ ແລະ ມີຄວາມສຸກ.
ທີ່ມາ: ຂ່າວສົດ