ໃນວັນທີ 16 ຕຸລາ 2024 ກະຊວງສິ່ງແວດລ້ອມຂອງປະເທດຍີ່ປຸ່ນ ໄດ້ປະກາດຍົກລະດັບການເຕືອນໄພໄຂ້ຫວັດນົກເປັນລະດັບສູງສຸດ, ຫຼັງຈາກກວດພົບເຊື້ອໄວຣັສໄຂ້ຫວັດນົກສາຍພັນຮຸນແຮງໃນ 2 ເມືອງຂອງຮັອກໄກໂດ ໂດຍພົບຈາກຊາກນົກປ່າທີ່ຕາຍແລ້ວ ໃນເມືອງໂອໂຕເບະ ເມື່ອວັນທີ 30 ກັນຍາທີ່ຜ່ານມາ ແລະ ພົບເຊື້ອໃນຂີ້ເປັດປ່າໃນເມືອງເບັດສຶໄກ ໃນວັນທີ 8 ຕຸລາ 2024.
ເມື່ອເກີດເຫດການດັ່ງກ່າວຂຶ້ນຈຶ່ງໄດ້ຮຽກຮ້ອງໃຫ້ເພິ່ມລະດັບການເຝົ້າລະວັງນົກປ່າ ແລະ ພະຍາຍາມກວດເບິ່ງວ່າມີນົກຕົວອື່ນຕິດເຊື້ອຫຼືບໍ? ພ້ອມທັງແຈ້ງໃຫ້ປະຊາຊົນຫຼີກລ່ຽງການສຳຜັດກັບນົກປ່າ ທີ່ຍັງມີຊີວິດ ຫຼື ຕາຍແລ້ວ ແລະ ໃຫ້ຮີບລາຍງານຕໍ່ເຈົ້າໜ້າທີ່ທັນທີ ຫາກພົບເຫັນຊາກນົກຕາຍ.
ຂ່າວ: chinadailyhk