Homeຂ່າວທ້ອງຖິ່ນພົບເຫັນບົມໃຫຍ່ 750 ປອນ ຢູ່ບ້ານໂພນທອງ ເມືອງວຽງໄຊ ແຂວງຫົວພັນ

ພົບເຫັນບົມໃຫຍ່ 750 ປອນ ຢູ່ບ້ານໂພນທອງ ເມືອງວຽງໄຊ ແຂວງຫົວພັນ

Published on

ວັນທີ 7 ຕຸລາ 2024 ນີ້, ໂຄງການເກັບກູ້ລະເບີດແຂວງຫົວພັນ ນໍາໂດຍທ່ານ ພອນຈັນ ຄໍາປັນຍາ ຫົວໜ້າຫ້ອງການໂຄງການເກັບກູ້ລະເບີດແຂວງຫົວພັນ ພ້ອມດ້ວຍທີມງານສົມທົບກັບອຳນາດການປົກຄອງບ້ານ ໂພນທອງ ໄດ້ລົງກວດກາພື້ນທີ່ໆປະຊາຊົນພົບເຫັນບົມໃຫຍ່ 750 ປອນ ທີ່ຂົວນໍ້າຮາວ ບ້ານໂພນທອງ ເມືອງວຽງໄຊແຂວງຫົວພັນ.

ທ່ານ ສົມທອນ ພັນນະລາດ ແນວໂຮມບ້ານໂພນທອງ ເມືອງວຽງໄຊ ແຂວງຫົວພັນ ໃຫ້ຮູ້ວ່າ: ບົມໃຫຍ່ 750 ແມ່ນຕົກຄ້າງມາຈາກສົງຄາມທີ່ພວກຈັກກະພັດຂີ່ເຮືອບິນມາຖີ້ມລະເບີດໃສ່ບ້ານ ໂພນທອງ ໃນປີ 1966 ມາເຖິງປະຈຸບັນເປັນເວລາຫຼາຍປີແຕ່ກໍ່ບໍໍ່ເຄີຍພົບເຫັນບົມໃຫຍ່ປານນີ້. ມາໃນປີ 2021 ໄດ້ມີປະຊາຊົນພົບເຫັນລະເບີດເປັນຄັ້ງທຳອິດ ແລະ ຄັ້ງນີ້ພົບເຫັນເປັນຄັ້ງທີ 2. ວັນທີ 22 ກັນຍາ 2024 ໄດ້ເກີດໄພພິບັດນໍ້າຖ້ວມ, ຫຼັງຈາກນໍ້າລົງປະຊາຊົນໄດ້ລົງທ້ອນໄມ້ຕາມແຄມນໍ້າ ໃນວັນທີ 25 ກັນຍາ ເລີຍພົບເຫັນບົມໃຫຍ່ 750 ຢູ່ຕາມແຄມແມ່ນໍ້າກ້ອງຂົວນໍ້າຮາວ ບ້ານໂພນທອງ ເມືອງວຽງໄຊ ແຂວງຫົວພັນ.

ພາຍຫຼັງໄດ້ຮັບແຈ້ງ ໜ່ວຍງານກ່ຽວຂ້ອງໄດ້ແຕ່ງຕັ້ງທີມງານລົງສໍາຫຼວດພື້ນທີ່ດັ່ງກ່າວ ພົບເຫັນ ບົມໃຫຍ່ 750 ປອນ ທີ່ມີຟີວຫົວ 103 ແລະ ຟີວກົ້ນ 100. ປະຈຸບັນໂຄງການເກັບກູ້ລະເບີດແຂວງຫົວພັນພວມຂໍທິດຊີ້ນໍາຈາກ ໂຄງການເກັບກູ້ລະເບີດແຫ່ງຊາດ ເພື່ອສ້າງແຜນການທໍາລາຍລະເບີດດັ່ງກ່າວດ້ວຍວິທີການ ນໍາໃຊ້ກະແຈປາກແຂ້ເພື່ອຫັນຟີວ ( ກໍລະນີຫັນບໍ່ອອກແມ່ນຈະນໍາໃຊ້ແຜນເຫຼັກຕັດຟີວບົມ ) ຖ້າຖອນໄດ້ສໍາເລັດແມ່ນຈະໄດ້ເຄື່ອນຍ້າຍບົມໄປທຳລາຍຢູ່ສະຖານທີ່ທໍາລາຍບົມໃຫຍ່ ໂຄງການເກັບກູ້ລະເບີດແຂວງຫົວພັນ ເພື່ອໃຫ້ມີຄວາມປອດໄພ.

ຂໍ້ມູນ: ຂ່າວຫົວພັນ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...