ວັນທີ 24 ກັນຍາ 2024 ນີ້, ທ່ານ ຢວນຢາພິງ ຫົວໜ້າ ກອງບັນຊາການຕໍາຫຼວດນໍ້າ ແຂວງຢູນນານ ສປ ຈີນ ພ້ອມຄະນະ ໄດ້ນຳເອົາເຂົ້າສານ, ອາຫານແຫ້ງ, ມາມອບໃຫ້ກອງບັນຊາການທະຫານ ແຂວງບໍ່ແກ້ວ.
ພິທີດັ່ງກ່າວຈັດຂຶ້ນຢູ່ສູນປະສານງານບ້ານມອມເມືອງຕົ້ນເຜິ້ງ ແຂວງບໍ່ແກ້ວ, ໂດຍການເຂົ້າຮ່ວມ ແລະ ກ່າວຮັບຂອງ ພົນຈັດຕະວາ ບຸນມີ ພາມີໄຊ ຄະນະປະຈຳພັກແຂວງຫົວໜ້າການເມືອງ ກອງບັນຊາການທະຫານແຂວງບໍ່ແກ້ວ ພ້ອມດ້ວຍຄະນະ, ເຄື່ອງທີ່ນຳມາມອບໃນຄັ້ງນີ້ປະກອບມີ: ເຂົ້າຈ້າວຫອມມາລິ 100 ກະສອບ ນ້ຳໝັກ 2,400 ກິໂລ, ເສັ້ນໝີ່ແຫ້ງຈຳນວນ 400 ມັດ, ນ້ຳມັນພືດຕຸກ 5 ລິດຈຳນວນ 100 ຕຸກ. ລວມມູນຄ່າທັງໝົດ 23.000 ຢວນ(ສອງຫມື່ນສາມພັນຢວນ) ເທົ່າກັບ 70,000,000 ກີບ.
ຂ່າວ: ວສລ