spot_img
Homeຂ່າວຕ່າງປະເທດກຽມເປີດລົດເມໂດຍສານລະຫວ່າງປະເທດ ອຸດອນ-ໜອງຄາຍ-ວັງວຽງ

ກຽມເປີດລົດເມໂດຍສານລະຫວ່າງປະເທດ ອຸດອນ-ໜອງຄາຍ-ວັງວຽງ

Published on

ບໍລິສັດຂົນສົ່ງ (ບກສ) ຂອງປະເທດໄທ ກຽມເປີດແລ່ນລົດເມ ເສັ້ນທາງ ອຸດອນ-ສະໜາມບິນອຸດອນ-ໜອງຄາຍ-ວັງວຽງ ເພື່ອອໍານວຍຄວາມສະດວກ ໃຫ້ບັນດານັກທ່ອງທ່ຽວ ແລະ ມີແຜນສຶກສາ ເສັ້ນທາງໃໝ່ ອີກ 5 ເສັ້ນທາງ ຊຸກຍູ້ ການທ່ອງທ່ຽວ ໄທລາວ.

ໃນວັນທີ 10 ກັນຍາ 2024 ຜ່ານມາ, ຢູ່ໂຮງແຮມ ແລນມາກ ໄດ້ມີກອງປະຊຸມ ປຶກສາຫາລື ການຂົນສົ່ງທາງລົດ ລະຫວ່າງ ໄທລາວ ລະຫວ່າງ ກົມຂົນສົ່ງທາງບົກໄທ ແລະ ກົມຂົນສົ່ງ ຂອງ ສປປ ລາວ ເພື່ອຕິດຕາມແຜນການດຳເນີນຄວາມຮ່ວມມືດ້ານການຂົນສົ່ງລະຫວ່າງໄທ-ລາວ ແລະ ຫາລືແລກປ່ຽນຂໍ້ຄິດເຫັນດ້ານການຂົນສົ່ງສິນຄ້າ ແລະ ຜູ້ໂດຍສານ ໂດຍຈະເປີດໃຫ້ບໍລິການ ໃນເດືອນພະຈິກ 2024 ນີ້.

ນອກຈາກນີ້ ຍັງຈະກຽມສຶກສາ ເສັ້ນທາງບໍລິການທາງລົດເມຕື່ມ ໃນອີກ 5 ເສັ້ນທາງກໍຄື: 1.ຊຽງໃຫມ່-ບໍ່ເຕັນ. 2.ກຸງເທບ-ສະຫວັນນະເຂດ, 3.ພັດທະຍາ-ປາກເຊ, 4.ພັດທະຍາ-ນະຄອນຫຼວງວຽງຈັນ, 5.ພັດທະຍາ-ສະຫວັນນະເຂດ ເພື່ອອຳນວຍຄວາມສະດວກ ແລະເພີ່ມທາງເລືອກຜູ້ໂດຍສານເດີນທາງດ້ວຍລະບົບຂົນສົ່ງສາທາລະນະເຊື່ອມຕໍ່ທການທ່ອງທ່ຍວຂອງສອງປະເທດໃຫ້ຫຼາຍຍິ່ງຂຶ້ນ.

ທັງນີ້ຍັງໄດ້ລົງພຶ້ນທີ່ກວດກາຕາມບໍລິເວນບ່ອນຈຳໜ່າຍປີ້ໂດຍສານຂອງ ບຂສ ທີ່ສະຖານີຂົນສົ່ງຜູ້ໂດຍສານຕະຫຼາດເຊົ້າ ໂດຍໃຫ້ຕິດຕັ້ງປ້າຍປະຊາສຳພັນລົດໂດຍສານລະຫວ່າງປະເທດ ທັງພາສາໄທ ແລະ ລາວ ເພື່ອຕິດຕັ້ງບໍລິເວນບ່ອນຂາຍປີ້ທີ່ສະຖານີຕະຫຼາດເຊົ້າ ໂດຍໃຫ້ຜູ້ໂດຍສານສະດວກສະບາຍໃນການຊື້ຫຼາຍຂຶ້ນ ນອກຈາກນີ້ ຍັງຈະມີການເປີດໃຫ້ຈອງຊື້ປີ້ ລ່ວງໜ້າ ຜ່ານລະບົບອອນລາຍ ແລະ E-ticket ໃນເສັ້ນທາງລະຫວ່າງປະເທດ ທຸກເສັ້ນທາງ ໃນຈໍານວນ 9 ເສັ້ນທາງ ໄທ-ລາວ, ແລ່ນ 92 ຖ້ຽວຕໍ່ມື້ ສະເລ່ຍ ມີຜູ້ໂດຍສານ 3,000 ຄົນຕໍ່ມື້.

ແຫຼ່ງຂ່າວ: ມະຕິຊົນ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...