ເນື່ອງຈາກມີຝົນຕົກຕິດຕໍ່ກັນເປັນເວລາຫຼາຍວັນ ເຮັດໃຫ້ລະດັບແມ່ນໍ້າຂອງຍຶ່ງຂຶ້ນສູງກວ່າ ທຸກໆປີຜ່ານມາ ຖ້ວມເນື້ອທີ່ທຳການຜະລິດ, ສັດລ້ຽງ, ເຮືອນຊານ ບ້ານຊ່ອງຂອງປະຊາຊົນທີ່ຢູ່ລຽບແຄມແມ່ນໍ້ຂອງ, ພາຍຫຼັງຝົນຢຸດຕົກເຮັດໃຫ້ລະດັບແມ່ນໍ້າຂອງຄ່ອຍໆຫຼຸດລົງ ຕາມລໍາດັບ.
ໃນວັນທີ 16 ກັນຍາ 2024 ນິ້, ແມ່ນໍ້າຂອງຫຼຸດລົງໄວຜິດປົກກະຕີ ຮອດເວລາປະມານ 23 ໂມງ. ໄດ້ເກີດມີດິນຫຍຸບ ເຈື່ອນລົງ ຢູ່ ຮ້ານ ຊັນເຊັດ ກາເຟ ກອງວັງວີວ ບ້ານໃຫຍ່ ຫ້ວຍຊາຍໃຕ້ ເມືອງຫ້ວຍຊາຍ ແຂວງບໍ່ແກ້ວ.
ແຕ່ໂຊກດີບໍ່ມີຜູ້ໄດ້ຮັບບາດເຈັບ ແລະ ສາມາດເກັບເຄື່ອງຂອງອອກມາໄດ້ທັນ ມີພຽງແຕ່ເຮືອນ ແລະ ຮ້ານ ເຈື່ອນລົງແຄມແມ່ນໍ້າຂອງ ໄດ້ສ້າງຄວາມເສຍຫາຍເປັນຈໍານວນຫຼວງຫຼາຍ.
ຂ່າວ: ເງິນຫຼົງ ຈິດພູວົງ, ສະຖານີວິທະຍຸ-ໂທລະພາບ ແຂວງບໍ່ແກ້ວ