spot_img
Homeຂ່າວພາຍ​ໃນສັ່ງໂຈະ! ກິດຈະການໂຮງງານທີ່ບໍ່ໄດ້ມາດຕະຖານໃນສະຫວັນນະເຂດ

ສັ່ງໂຈະ! ກິດຈະການໂຮງງານທີ່ບໍ່ໄດ້ມາດຕະຖານໃນສະຫວັນນະເຂດ

Published on

ໃນລະຫວ່າງວັນທີ 26-28 ສິງຫາ 2024, ຄະນະສະເພາະກິດຂອງແຂວງ ນໍາໂດຍທ່ານ ໄຊຍະເດດ ຜຸຍຍະວົງ ຮອງຫົວໜ້າພະແນກອຸດສາຫະກຳ-ການຄ້າແຂວງ ທັງເປັນສະມາຊິກສະພາແຫ່ງຊາດ ສັງກັດໃນຄະນະກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຂອງສະພາແຫ່ງຊາດ.

อาจเป็นรูปภาพของ 9 คน และ ข้อความ

ພ້ອມດ້ວຍພາກສ່ວນທີ່ກ່ຽວຂ້ອງ ໄດ້ລົງຕິດຕາມໂຮງງານຜະລິດນໍ້າມັນເຕົ໋າ ຂອງບໍລິສັດ ຟໍຈູນ ຈຳກັດ ຢູ່ບ້ານດົງຄຳຫຼວງ ເຊິ່ງມີປະຊາຊົນໄດ້ຮ້ອງຮຽນມາຍັງການຈັດຕັ້ງໃຫ້ແກ້ໄຂຢ່າງຮີບດ່ວນ ເພາະສົ່ງກິ່ນຂີວຢ່າງຮຸນແຮງ ສົ່ງຜົນກະທົບຢ່າງໜັກໜ່ວງ ຕໍ່ສິ່ງແວດລ້ອມກໍຄືຊິວິດການເປັນຢູ່ຂອງປະຊາຊົນບັນດາເຜົ່າ ທີ່ດຳລົງຊີວິດໃນເຂດດັ່ງກ່າວ.

ไม่มีคำอธิบายรูปภาพ

ຕໍ່ກັບປັນຫາດັ່ງກ່າວ ຄະນະກຳມະການ ໄດ້ລົງກວດກາໂດຍລະອຽດ ແລະ ເຫັນວ່າການຜະລິດນໍ້າມັນເຕົ໋າໃນເຂດດັ່ງກ່າວ ມີສອງໂຮງງານ ທີ່ນຳໃຊ້ທະບຽນດຽວກັນ, ໂຮງງານທີ 1 ທໍາການຜະລິດນໍ້າມັນເຕົ໋າ ໂດຍເອົານໍ້າມັນເຄື່ອງເກົ່າມາຜະລິດຄືນ, ສ່ວນໂຮງງານທີ 2 ສ້າງເປັນໂຮງງານອົບຢາງຕີນລົດເກົ່າ ເພື່ອແຍກອອກໄປ ຕົ້ມກັ່ນເປັນນໍ້າມັນເຕົ໋າ, ຖ່ານກາກບອນ ແລະ ເຫຼັກລວດ ເພື່ອສົ່ງຂາຍໃຫ້ໂຮງງານອຸດສາກະກຳຜະລິດຊີມັງ ແລະໂຮງງານເຫຼັກ.

อาจเป็นรูปภาพของ 2 คน และ โรงหล่อ

ໃນໄລຍະຜ່ານມາ ການຈັດຕັ້ງພາກລັດໄດ້ອອກແຈ້ງການປິດກິດຈະການ ແຕ່ເນື່ອງຈາກວ່າໂຮງງານ ຜະລິດຄືນນໍ້າມັນເຄື່ອງ ຂາດມາດຕະຖານທາງດ້ານເຕັກນິກ, ສິ່ງແວດລ້ອມ ຈຶ່ງເຮັດໃຫ້ຍັງມີກິ່ນຂີວ ໂດຍທີ່ໄດ້ໃຫ້ຢຸດເຊົາຜະລິດມາດົນ. ມາເຖິງປັດຈຸບັນທາງຄະນະກຳມະການໄດ້ເປີດກອງປະຊຸມ ຮ່ວມກັບ ຜູ້ຕາງໜ້າບໍລິສັດ ແລະເຫັນດີເປັນເອກະພາບ ໃຫ້ຜູ້ລົງທຶນຮີບຮ້ອນຟື້ນຟູຄືນສະພາບແວດລ້ອມ ໃຫ້ສຳເລັດໂດຍໄວ ຫາກບໍ່ປະຕິບັດຕາມກຳນົດເວລາ ຈະເຮັດໜັງສືເລັ່ງທວງຜ່ານສະຖານທູດ ແຫ່ງ ສປ ຈີນ ປະຈຳລາວ.

ไม่มีคำอธิบายรูปภาพ

ນອກຈາກນັ້ນ, ຄະນະກຳມະການ ເຫັນດີເປັນເອກະພາບຫ້າມມີການເຄື່ອນໄຫວໂດຍເດັດຂາດ ຈົນກວ່າຈະໄດ້ຮັບການອະນຸມັດຈາກພາກລັດ ໂດຍໄດ້ມອບໝາຍໃຫ້ ປກສ ແຂວງ ປະສານສົມທົບກັບ ກຸ່ມບ້ານ ແລະ ອຳນາດການປົກຄອງບ້ານ ຕິດຕາມການເຄື່ອນໄຫວຢ່າງໃກ້ຊິດ, ຫາກຝ່າຝືນ ແມ່ນໃຫ້ດຳເນີນມາດຕະການປັບໄໝ ໃສ່ໂທດຕາມຂະບວນການຍຸດຕິທຳ.

ຂ່າວ: ປະຊາຊົນ

ບົດຄວາມຫຼ້າສຸດ

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...