ເນື່ອງຈາກວ່າ: ຝົນຕົກແຮງ ຕິດຕໍ່ກັນຫຼາຍວັນມາຮອດວັນທີ 21 ສິງຫາ ທີ່ຜ່ານມາ, ເຮັດໃຫ້ເສັ້ນທາງລະຫວ່າງ ປາກທາ-ກ້ອນຕື່ນ ເມືອງປາກທາ ແຂວງບໍ່ແກ້ວ ຂາດຫຼາຍຈຸດ, ພ້ອມທັງມີດິນສະໄລ້ທັບທາງ ໄລຍະແຕ່ ປາກທາ-ບ້ານຫ້ວຍຊົວະ ແລະ ນໍ້າຫ້ວຍໄດ້ຍື່ງຂື້ນສູງ.
ເຊິ່ງລົດທຸກຊະນິດ ບໍ່ສາມາດຜ່ານໄດ້, ພ້ອມທັງມີເສົາໄຟຟ້າ 22 KV ລົ້ມຫຼາຍຕົ້ນ, ປະຊາຊົນຫຼາຍບ້ານບໍ່ມີໄຟຟ້າໃຊ້, ເນື້ອທີ່ນາຂອງປະຊາຊົນ ຖືກນໍ້ານອງຊຸ ເສຍຫາຍຫຼາຍບ້ານ ຍັງບໍ່ສາມາດປະເມີນຄວາມເສຍຫາຍໄດ້.
ຕໍ່ກັບເຫດການດັ່ງກ່າວ ຄະນະກໍາມະການຄຸ້ມຄອງໄພພິບັດຂັ້ນເມືອງໂດຍມີ ທ່ານ ນາງ ຈັນສຸກ ວັນນະວົງ ຮອງເຈົ້າເມືອງປາກທາ ພ້ອມດ້ວຍພາກສ່ວນທີ່ກ່ຽວຂ້ອງ ໄດ້ລົງສໍາຫຼວດ ແລະ ຕິດຕາມການແກ້ໄຂເບື້ອງຕົ້ນຄາດວ່າ: ເສັ້ນທາງຈະກັບມານໍາໃຊ້ໄດ້ໃນວັນທີ 23 ສິງຫາ 2024, ສໍາລັບທ່ານໃດທີ່ຈະເດີນທາງ ມາເສັ້ນທາງດັ່ງກ່າວ ແມ່ນໃຫ້ລະວັງໃນການຂັບຂີ່ ແລະ ຕິດຕາມສະພາບດິນຟ້າອາກາດແລະ ສຶກສາຂໍ້ມູນໃຫ້ລະອຽດກ່ອນອອກເດີນທາງ.
ຂ່າວ: ຫ້ອງການ ຖະແຫຼງຂ່າວ ເມືອງປາກທາ ຖວທ