ສຸນິສາ ລີ (ຊູນີ ລີ) ນັກກິລາຢິມນາສຕິກ ເຜົ່າມົ້ງລາວ ສັນຊາດອາເມຣິກາ ໄດ້ເພີ່ມອີກ 1 ຫລຽນທອງ ເປັນ 1 ຫລຽນຄຳ 2 ຫຼຽນທອງ ໃນໂອແລມປິກເກມ 2024 ທີ່ປາຣີ ປະເທດຝຣັ່ງ.

ສຸນິສາ ລີ ສາມາດຄວ້າອີກ 1 ຫຼຽນທອງໄດ້ຈາກລາຍການ Artistic ຍິງດ່ຽວ ອຸປະກອນຄານຄູ່ຕ່າງລະດັບ (Uneven bars) ສາມາດເຮັດໄດ້ 14.800 ຄະແນນ, ສ່ວນຫຼຽນຄຳເປັນຂອງ ເຄເລຍ ເນມົວ ຈາກເອວຈີເຣຍ (ອານເຊຣີ) ໄດ້ 15.700 ຄະແນນ ສ້າງປະຫວັດສາດເປັນນັກກິລາຍິມນາສຕິກອາຟຣິກາຄົນທຳອິດໄດ້ຫລຽນຄຳໂອແລມປິກ, ຫຼຽນເງິນຕົກເປັນຂອງ ຊິວ ຊີຢວນ ຈາກຈີນ ໄດ້ 15.500 ຄະແນນ.

ກ່ອນໜ້ານີ້ ຊູນີ ລີ ໄດ້ 1 ຫລຽນຄຳ ລາຍການ Artistic ທີມຍິງ ລວມທຸກອຸປະກອນ ແລະຫຼ້າສຸດສາມາດຄວ້າ 1 ຫລຽນທອງ ຈາກລາຍການ Artistic ຍິງດ່ຽວ ລວມທຸກອຸປະກອນ.

ແຫຼ່ງຂ່າວຈາກ: ຂ່າວກິລາ