ຄະນະຊີ້ນຳໂຄງການກໍ່ສ້າງ, ຍົກຍ້າຍ ແລະ ຈັດສັນເມືອງກະລຶມໃໝ່ໄດ້ລົງຕິດຕາມກວດກາຄວາມຄືບໜ້າ 11 ໂຄງການ
ພັດທະນາເທສະບານໃໝ່ ເມືອງກະລຶມ ຊຶ່ງໄດ້ພົບເຫັນຫຼາຍໂຄງການມີຄວາມຄືບໜ້າເປັນທີ່ໜ້າພໍໃຈ.
ທ້າຍອາທິດຜ່ານມານີ້ ທ່ານ ລ້ຽງ ຄຳພູນ ຮອງເຈົ້າແຂວງເຊກອງ, ຜູ້ຊີ້ນຳຂົງເຂດເສດຖະກິດ, ທັງເປັນປະທານ ຄະນະຊີ້
ນຳໂຄງການກໍ່ສ້າງ, ຍົກຍ້າຍ ແລະ ຈັດສັນເມືອງກະລຶມໃໝ່ຂັ້ນແຂວງ, ພ້ອມຄະນະໄດ້ລົງຕິດຕາມກວດກາຄວາມຄືບ
ໜ້າ 11 ໂຄງການທີ່ນອນໃນໂຄງການພັດທະນາເທສະບານເມືອງກະລຶມໃໝ່ ແລະ ແຕ່ລະໂຄງການມີມູນຄ່າການກໍ່ສ້າງ
ຫຼາຍກວ່າ 10 ຕື້ຂຶ້ນໄປ, ຊຶ່ງຜ່ານການລົງຕິດຕາມຄັ້ງນີ້ເຫັນວ່າມີຫຼາຍໂຄງການແມ່ນສາມາດ ປະຕິບັດໄດ້ຫຼາຍກວ່າ 80%
ເປັນຕົ້ນ: ໂຄງການກໍ່ສ້າງລະບົບນ້ຳປະປາ, ໂຄງການສ້ອມແປງທາງ ແຕ່ເມືອງເກົ່າຫາເມືອງໃໝ່, ໂຄງການກໍ່ສ້າງຫ້ອງ
ການ ແລະ ສຳນັກງານຂອງລັດ, ໂຄງການກໍ່ສ້າງໄຟຟ້າແຮງ ກາງ, ແຮງຕ່ຳ ແລະ ໄຟເຍືອງທາງ ໃນເທສະບານ, ໂຄງການ
ກໍ່ສ້າງທີ່ຢູ່ອາໄສຂອງປະຊາຊົນ.
ສ່ວນໂຄງການຊົດເຊີຍຜົນກະທົບດ້ານສິ່ງແວດລ້ອມ ແລະ ສັງຄົມ, ບໍລິສັດຜູ້ຮັບເໝົາກໍ່ສ້າງຈະໄດ້ເຮັດໜ້າທີ່ລົງເກັບກຳ
ຂໍ້ມູນ ສຳພາດດ້ານເສດຖະກິດ-ສັງຄົມ ພ້ອມທັງເຮັດບົດວິພາກຢ່າງລະອຽດ ແລະ ເອກະສານຕ່າງໆນຳໄປຜ່ານກອງປະ
ຊຸມຂອງຄະນະກຳ ມະການເພື່ອເປັນຂໍ້ມູນພື້ນຖານແກ່ການຊົດເຊີຍຄື: ຊົດເຊີຍປະກອບອາຊີບແບບຍືນຍົງ, ຊົດເຊີຍ
ເຂດເນື້ອທີ່ການຜະລິດ, ຊົດເຊີຍຜົນລະປູກ ຊຶ່ງປະຈຸບັນໂຄງການດັ່ງກ່າວປະຕິບັດໄດ້ 30%.
ຈາກນັ້ນ ທ່ານຮອງເຈົ້າແຂວງກໍໄດ້ແນະນຳ ແລະ ເນັ້ນໜັກຊີ້ນຳຄະນະໂຄງການຂັ້ນເມືອງສົມທົບກັບກອງເລຂາໂຄງການ
ເລັງໃສ່ສ້າງຄວາມເຂົ້າໃຈກັບປະຊາຊົນໂດຍໃຫ້ຈັດຕັ້ງພົບປະ ແລະ ໂອ້ລົມປະຊາຊົນເພື່ອຊີ້ແຈງຄວາມເຂົ້າໃຈຕໍ່ກັບການ
ຊົດເຊີຍ ແລະ ການຍົກຍ້າຍໃຫ້ທັນກຳນົດເວລາ.
ໂຄງການກໍ່ສ້າງ, ຍົກຍ້າຍ ແລະ ຈັດສັນເມືອງກະລຶມໃໝ່ຕັ້ງຢູ່ເຂດບ້ານວັກເໜືອຫ່າງຈາກເມືອງເກົ່າ ປະມານ 32 ກິໂລ
ແມັດ, ໃນເນື້ອທີ່ປະມານ 1.502 ເຮັກຕາ, ມີລະດັບສູງຈາກໜ້ານ້ຳທະເລສະເລ່ຍປະມານ 580 ແມັດ, ໂຄງການດັ່ງກ່າວ
ຈະນຳໃຊ້ທຶນເຂົ້າໃນການກໍ່ສ້າງທັງໝົດ 930 ຕື້ກວ່າກີບ, ໂດຍບໍລິສັດພອນສັກເປັນຜູ້ຮັບເໝົາກໍ່ສ້າງ ແລະ ລົງທຶນກ່ອນ
100%.