ສຳນັກຂ່າວຕ່າງປະເທດລາຍງານໃນວັນທີ 3 ສິງຫາ 2024 ຜ່ານມາ, ກ່ຽວກັບເລື່ອງລາວຄວາມຮັກຂອງນັກກິລາໃນງານມະຫະກຳກິລາ ໂອແລມປິກ 2024 ທີ່ນະຄອນຫຼວງປາຮີ ເມື່ອ ນາງ ຫວງ ຍ່າ ຈຽງ ນັກກິລາດອກປີກໄກ່ຍິງຊາວຈີນ ຖືກແຟນໜຸ່ມຄຸເຂົ່າຂໍແຕ່ງງານ ພາຍຫຼັງສາມາດຄວ້າຫຼຽນຄຳ ໃນລາຍການຄູ່ປະສົມໄດ້ສຳເລັດ.

ຖືໄດ້ວ່າເປັນອີກ 1 ໂມເມັ້ນທີ່ສ້າງຄວາມປະທັບໃຈໃຫ້ກັບບັນດາກອງເຊຍ ທີ່ເຂົ້າມາຊົມໃນການແຂ່ງຂັນດັ່ງກ່າວ, ທ້າວ ຫລິວ ຢູ ເຊີນ ນັກກິລາດອກປີກໄກ່ ທີ່ລົງແຂ່ງຂັນປະເພດຊາຍຄູ່ ໄດ້ນຳເອົາດອກໄມ້ມາສະແດງຄວາມຍິນດີກ່ອນທີ່ຈະສ້າງຄວາມປະທັບໃຈ ໃຫ້ກັບແຟນສາວ ຫຼັງຈາກສາມາດຄວ້າຫຼຽນຄຳໃນງານໂອແລມປິກ 2024.

ສຳລັບການແຂ່ງຂັນ ກິລາດອກປີກໄກ່ຮອບຊິງຊະນະເລີດ ລາຍການຄູ່ປະສົມ ທ້າວ ເຈິ້ງ ຊີ ເວີ້ຍ ແລະ ນາງ ຫວງ ຍ່າ ຈຽງ ຄູ່ປະສົມມື 1 ຂອງໂລກຈາກຈີນ ເອົາຊະນະ ຄິມວອນໂຮ ກັບ ຈອງ ນາ ອຶນ ຄູ່ມືວາງອັນດັບ 8 ຂອງໂລກຈາກເກົາຫຼີໄປ 2-0 ເກມດ້ວຍຄະແນນ 21-8 ແລະ 21-11 ສາມາດຄວ້າລຽນຄຳໃນໂອແລມປິກ 2024 ໄດ້ສຳເລັດ ເອີ້ນໄດ້ວ່າງານນີ້ນອກຈາກຈະໄດ້ຈະໄດ້ຫຼຽນຄຳແລ້ວຍັງໄດ້ທັງແຫວນເພັດອີກດ້ວຍ ຫວານກັນສຸດໆ.