ອີງສຳນັກຂ່າວຕ່າງປະເທດລາຍງານເມື່ອບໍ່ດົນມານີ້, ກ່ຽວກັບກໍລະນີຊາຍຊາວອິນເດຍອາຍຸ 31 ປີ ໄດ້ສອດອ່ຽນເຂົ້າຮູທະວານ ເຮັດໃຫ້ອ່ຽນເຂົ້າໄປກັດລຳໃສ້ໃຫຍ່ ແລະ ເຂົ້າໄປໃນທ້ອງ.
ໂຮງໝໍມິດຕະພາບຫວຽດຕຸກ ໃນນະຄອນຫຼວງຮ່າໂນຍໄດ້ໃຫ້ຂໍ້ມູນຜູ້ປ່ວຍວ່າ: ມີອາການເຈັບທ້ອງຮຸນແຮງ ຈຶ່ງໄດ້ນຳຕົວເຂົ້າຫ້ອງສຸກເສີນ ທາງດ້ານໂຮງໝໍໄດ້ຈັດທີມແພດເພື່ອສ່ອງກ້ອງ ແຕ່ກໍຕ້ອງຕົກໃຈເມື່ອພົບອ່ຽນຢູ່ໃນທ້ອງຂອງຄົນເຈັບ ຈາກນັ້ນເຈົ້າໜ້າທີ່ຈຶ່ງໄດ້ທຳການສ່ອງກ້ອງເຂົ້າໄປລຳໃສ່ໃຫຍ່ເພື່ອຈະໄດ້ນຳເອົາອ່ຽນໂຕນັ້ນອອກ ແຕ່ກໍຕ້ອງຕົກໃຈອີກຮອບເມື່ອພົບໝາກນາວໜ່ວຍໃຫຍ່ມີເສັ້ນສູນກາງຂະນາດ 4 ຊັງຕີແມັດ ຕັນຢູ່ທາງທະວານຢູ່ ແພດຈຶ່ງບໍ່ສາມາດເຂົ້າເຖິງຈຸດທີ່ມີບັນຫາໄດ້.
ເນື່ອງຈາກຄວາມເຈັບປວດຂອງຜູ້ປ່ວຍເພີ່ມຂຶ້ນ ທີມແພດຈຶ່ງຕັດສິນໃຈທຳການຜ່າຕັດແບບສຸກເສີນ ເມື່ອທີມແພດໄດ້ຜ່າທ້ອງອອກຈຶ່ງພົບອ່ຽນທີ່ຍັງມີຊີວິດຢູ່ໃນທ້ອງຂອງຜູ້ປ່ວຍ ມີຄວາມຍາວປະມານ 65 ຊັງຕີແມັດ ເຊິ່ງອ່ຽນໂຕນັ້ນໄດ້ກັດລຳໄສ້ຂອງຜູ້ປ່ວຍເພື່ອອອກໄປໃນຊ່ອງທ້ອງ.
ຫຼັງຈາກນຳອ່ຽນອອກມາໄດ້ແລ້ວ ທີມແພດກຜ່າຕັດນຳເອົາໝາກນາວອອກມາໄດ້ເຊັ່ນກັນ ເຮັດໃຫ້ອາການເຈັບທ້ອງຂອງຜູ້ປ່ວຍຫຼຸດລົງ ແລະ ໄດ້ພັກຟື້ນທີ່ໂຮງໝໍແຫ່ງນັ້ນ.